築地銀だこ (海之戀商場)

營業中

休息中

嗰日去行Donki，行行吓有少少肚餓，就係food court叫咗啲嘢食。呢間舖係日本好多地方都有，我叫咗個set同朋友share，有四粒日式八爪魚丸，大阪燒炒麵同綠茶。八爪魚丸整得幾好，外脆內軟，丸入面嘅八爪魚粒都算多，充滿蛋香嘅蛋黃醬同八爪魚丸真係好夾。至於大阪燒都係日本傳統嘅做法，個質感都整得夠實，又唔會煎得太燶，配埋木魚絲同日式沙律醬食一流。個鐵板燒炒麵麵質OK，但調味偏鹹，佢有煙肉同蛋做餸，算有啲誠意，可惜個煎蛋煮過火，食落有啲老。飲品綠茶不過不失，略嫌綠茶粉落唔夠，味道比較甜。