天然豚骨拉麵專門店一蘭

營業中

休息中

今日行過開灣仔，見到有間出面排晒長龍，門外全用啡色的裝修，招牌大大隻字寫著一蘭，無錯！日本好出名的食一款拉麵。男朋友就拉我去食啦，佢話佢去過日本食過，算是首屆一指，又去過香港呢間，不論味道、門面、隔格、服務、形式都不相伯仲！今晚我就第一次係香港食到。一開始，我地就排左一陣間 (其實好耐，但值得等既)，之後大概十分鐘到啦，侍應就叫我地入去，但入去我以為有位坐食得啦，點知原來都未得，佢地會再叫我地排一條隊，然後俾一張類似點心紙，果張紙的作用係用黎選擇你個人口味，例如湯底幾濃、麵度要幾多、要唔要辣……等等，之後到有位的時候，佢地就會因應我地所剔的選擇去整一碗屬於我地拉麵嚕，我同男朋友選擇的有唔同，就會好明顯食得出佢地係會因應你所選擇而烹調！碗麵需時五分鐘就會送上你的座位，裡面的座位都好特別，先係有自己一個卡位坐，送完碗麵到你面前之後，佢地會好有禮貌講左一句類似 “請慢用”的日文，然後你面前的拉簾會拉落黎，享用你的拉麵，我聽男朋友講日本都係咁喎！我一聞到碗拉麵的時候，就好快試下湯底先，濃濃的湯先吸引左我個鼻，湯底好濃郁，有少少油，但飲完都未覺得油膩，吃到最尾的時候，都已經將碗湯飲淨四分之一，