炭火地雞 (已搬遷) 新店位置

一家比較特別嘅日本串燒小店，選用日本備長炭即點即燒，非常用心，雞肉採用本地嘉美雞，皮薄、骨細、肉質嫩滑、脂肪少、有雞香味。一坐低店員會放一隻正方形碟，碟上有柚子胡椒、一味唐辛子粉、日本黃芥末、檸檬同青檸，客人可以按喜好自己添加調味。我同朋友試咗多款串燒，師傅火候控制得好好，每款都鎖住肉汁：-免治雞肉棒-雞爽肉-熟成雞腿肉-甘口嘉美雞全翼-牛舌-鹽燒A4和牛三角腩-汁燒和牛牛肋肉-豚五花腩鵪鶉蛋比較推介嘅喺熟成雞腿肉，外皮燒至非常香脆，帶有雞油脂香，肉質彈牙嫩滑；雞爽肉係雞嘅胃臟，入口非常爽脆，有嚼勁；甘口嘉美雞全翼外皮炸至香脆香口，肉質鮮嫩美味。另外煙燻雞火腿他他用咗日本真空直送可生食嘅雞火腿，配搭生蛋黃、蘿蔔苗、子薑絲拌著吃，煙臐咸香味加上香濃蛋味，配搭特別，外面少見。濃香雞湯素麵有驚喜，湯底飲得出係鮮雞熬製，有雞香味，飲完完全唔口乾，幼身嘅素麵掛汁能力高，健康又好味。