影片
更多
2018-03-24
324 瀏覽
拿，暴露年齡都係咁話；即係我都承認見到呢間餐廳個名同logo，會即刻諗起那滕麗名主唱o既卡通片。呢～有個所謂勇者，有個魔女，有個跳草裙舞o既老伯(我好記得動畫提到佢屁股o既扭動其實係傳承自古老魔法陣o既圖案，係重要線索) o個套呢……餐廳又係o係商場半開放式設計，唔係好多位，但好光猛，亦坐得好舒服。中間一張三角檯上有一大棵植物，而燈呀、d 架o個d 都擺o左好多植物做裝飾，好有田園氣息。呢間o野食手作意粉啦，叫法係先從五隻醬料入面揀一款，再因應食量喜好追加配菜，加幾多都得。未叫o野食之前，侍應姐姐先遞上一杯熱湯，係送的。問o左咩名堂，話係日本鰹魚湯。細細o既一杯，飲落都幾似木魚o既味道，帶點自然o既鹹味。因為想留一留肚試埋佢個雪糕，所以我淨係好簡單叫o左一樣餸，我呢個係明太子日式炸雞意粉($48+$12 未加一)。賣相好似有d 普通咋wo，但食o既，係內涵，等我試真d 先。先講個粉底，軟硬度適中，蘸上粒粒o既明太子，淡淡蝦子o既鹹香，加埋d 紫菜碎，再添一層海苔自帶o既腥味，令到個粉就算無多餘醬汁，都有股海鮮o既味道，非常之唔錯。至於d 炸雞，粒粒飽滿，而且入面仲係ok 嫩滑。跟餐加$
餐廳又係o係商場半開放式設計，唔係好多位，但好光猛，亦坐得好舒服。中間一張三角檯上有一大棵植物，而燈呀、d 架o個d 都擺o左好多植物做裝飾，好有田園氣息。
呢間o野食手作意粉啦，叫法係先從五隻醬料入面揀一款，再因應食量喜好追加配菜，加幾多都得。未叫o野食之前，侍應姐姐先遞上一杯熱湯，係送的。問o左咩名堂，話係日本鰹魚湯。細細o既一杯，飲落都幾似木魚o既味道，帶點自然o既鹹味。
因為想留一留肚試埋佢個雪糕，所以我淨係好簡單叫o左一樣餸，我呢個係明太子日式炸雞意粉($48+$12 未加一)。賣相好似有d 普通咋wo，但食o既，係內涵，等我試真d 先。
明太子日式炸雞意粉 ($48+$12)
7 瀏覽
0 讚好
0 留言
先講個粉底，軟硬度適中，蘸上粒粒o既明太子，淡淡蝦子o既鹹香，加埋d 紫菜碎，再添一層海苔自帶o既腥味，令到個粉就算無多餘醬汁，都有股海鮮o既味道，非常之唔錯。至於d 炸雞，粒粒飽滿，而且入面仲係ok 嫩滑。
跟餐加$12 點o左佢o既自家製冰茶。味道飲落同普通茶餐廳o既紅茶分別唔大，即係凍檸茶但係d 檸檬變o左做橙。有四份一個橙塞o左入去，究竟係預你篤，定拎出o黎然後揸d 汁入去o架呢？anyway，我o既食法係，分開食當飯後果……
差唔多時就叫侍應姐姐上雪糕。黃荳粉黑蜜雪糕($18)，係日本超人氣o既美食，e 道仲有兩隻味可揀，唔記得係曲奇同埋乜o野，叫o左前者。個雪糕質地好實淨，真材實料，上面瀋上一咋類似木槺布甸o既黃荳粉，再淋上黑糖糖醬，甜曳曳的，一試難忘！
黃荳粉黑蜜雪糕 ($18)
11 瀏覽
0 讚好
0 留言
張貼
