Figaro (已搬遷) 新店位置

識飲識食的食家，當然喜歡日本料理，而以日本廚師主持的法國菜，也非常吸引，在網上看到這裡，我們即刻去訂位。當晚人流不多，老闆親自招呼，其實他是識飲識食嘅人，他分享了紅酒和煙火腿嘅學問，他懂得真的好多。試咗一支平嘅Red Wine，由於老闆介紹的，枝酒不要以為平就差，其實佢質素係一點不錯，入口都好甜美味道，body 好厚，都250元一支👍火腿拼盤168元，有法國、西班牙嘅黑毛豬火腿，西班牙是41個月㗎👍，法國是11個月，連伴碟嘅薄荷葉都食埋，果然是送紅酒一流。我們分享了一個晚餐$498，有前菜、湯、主菜、甜品、茶。前菜有四款，分量雖然不多，但是很好味。是日餐湯是牛蒡湯，內藏兩隻生𧐢，又creamy 又滑，生𧐢鮮、香、甜👍，期待再次來臨，睇下有啲乜嘢是日餐湯。主菜鴨肝梳乎厘蛋伴飯，鴨肝外脆內軟，不會肥膩，意大利飯入口香糯，梳乎厘蛋軟滑，口感與梳乎厘蛋糕相似，不可不試。甜品是朱古力蛋糕，不會過甜，無得輸，入口軟滑👍這麼好的晚飯，不能不分享，我誠意推薦👍👍👍👍👍，期待有機會來吃午餐。