勝手 (已結業)

午餐時間同朋友探秘,搵到呢間隱世既日本餐廳。佢既午市定食抵食,如果我返工附近都有呢間野就好啦!個沙律有橙,好開胃清新,個湯有蕃茄,豆腐,金姑仔,好味又夠營養。我叫左個和牛,飯有飯素,令你好想食飯,和牛既汁配飯一流。鰻魚可選原條或半條,我當然要原條啦,仲叫左多汁添呀,呢條鰻魚好肥美,冇骨,加埋鰻魚汁又係一絕。甜品係日本既黃豆粉蕨餅,味道認真唔錯!好清新,係解膩之選!呢間野既擺設又係以清酒為主,好有日本既感覺呀!整體環境寧靜,大家都專心食飯,播左D英文歌,好舒服。我個位仲望到少少海景添!侍應都會主動加茶,又會問下你食物得唔得,D肉會唔會太熟咁,同客人有交流。我見附近有人食HOTPOT,下次黎食HOTPOT先!