影片
更多
2019-09-24
3184 瀏覽
之前已經睇過網上介紹，一直想試，但冇機會，終於15號有時間去咗食lunch😋嗰日我帶埋婆婆去食，老闆好體貼，見到有長者，即安排卡位畀我哋👍🏼我哋點咗兩個餐，牛舌熱烏冬同沖繩炸豬扒冷蕎麥麵。牛舌熱烏冬:烏冬食得出係自家制但唔夠彈牙，湯底ok，唔會太淡。牛舌好香，夠入味亦夠燜，啱晒老人家食。不過得三舊，小咗啲。如果你係喜歡食爽口嘅牛舌，呢個煮法可能唔啱你。沖繩炸豬扒冷蕎麥麵:蕎麥麵本身冇特別驚喜，不過個汁就唔錯，掛喺麵上面唔太鹹，加埋wasabi落個汁到幾開胃。個豬扒要重點推介！算係我食過咁多間入面比較top嗰幾間。塊豬扒都幾大塊，炸到金黄色，賣相唔錯，已加分！咬開食到豬肉香味，再加上有汁淺出，真係好juicy!雖然舊豬扒入邊係有啲肥肉，但亦令到成舊豬扒好滑。老闆話啲豬扒係日本豬，難怪咁好味！😍整體嚟講唔錯，我會再去。大食嘅朋友可能會嫌份量細，唔夠食！今次影得一幅影下次會影多啲！
嗰日我帶埋婆婆去食，老闆好體貼，見到有長者，即安排卡位畀我哋👍🏼
我哋點咗兩個餐，牛舌熱烏冬同沖繩炸豬扒冷蕎麥麵。
牛舌熱烏冬:烏冬食得出係自家制但唔夠彈牙，湯底ok，唔會太淡。牛舌好香，夠入味亦夠燜，啱晒老人家食。不過得三舊，小咗啲。如果你係喜歡食爽口嘅牛舌，呢個煮法可能唔啱你。
沖繩炸豬扒冷蕎麥麵:蕎麥麵本身冇特別驚喜，不過個汁就唔錯，掛喺麵上面唔太鹹，加埋wasabi落個汁到幾開胃。個豬扒要重點推介！算係我食過咁多間入面比較top嗰幾間。塊豬扒都幾大塊，炸到金黄色，賣相唔錯，已加分！咬開食到豬肉香味，再加上有汁淺出，真係好juicy!雖然舊豬扒入邊係有啲肥肉，但亦令到成舊豬扒好滑。老闆話啲豬扒係日本豬，難怪咁好味！😍
整體嚟講唔錯，我會再去。大食嘅朋友可能會嫌份量細，唔夠食！
今次影得一幅影下次會影多啲！
153 瀏覽
0 讚好
0 留言
張貼
