高木炭火鳥燒 (已結業)

同好姊妹開左工第二星期，大家都覺得頂唔住，要出黎食下野呻下， 大家都想回鄉去，搵搵下搵到呢間滿有日本風既店舖，外面幾個紅燈籠已勁有風味。內面好似選擇唔多，但其實樣樣都勁吸引 我諗要分幾次黎先可以食得晒。 其實好想好想啤啤佢 不過姊妹唔飲酒 ，只好變食肉獸，係咁食食食 。 點左個帶子，好新鮮，雖然係燒卻唔會變得太乾身。 不得不提黑松露牛肉卷，勁多汁juicy , 好食到想再encore . 燒物唔整到乾身真心難。 年糕亦好煙勒， 食得出師傳好俾心機。 我倆最愛既饅魚 食到想叫碗飯送一送。 最驚喜係燒菠蘿 ，本來覺得菠蘿毒， 一向無咩好感。 點知姊妹係咁話好好食， 原來佢外面加左焦糖 酸酸甜甜好正 。 難怪姊妹係咁叫我試 。 估唔到小店咁有驚喜 加上環境都舒服 變相係咁傾計 真係好似日本人收工必備節目咁。