影片
更多
2021-12-17
102 瀏覽
有睇我我出文嘅人。都知我好鍾意食燒肉，無論係日式、韓式、台式，講到燒肉，我覺得最多燒肉餐廳嘅地方，一定係尖沙咀。呢間燒肉係尖沙咀經過好多次，一直都想食，女朋友甚至想去呢度幫媽咪慶祝生日，今次終於book到位同女朋友一齊去試。Wagyu Ya係一間主打岩手縣直送和牛既日式燒肉店，每月出產數量唔多，平時都係日本內銷多，所以好罕有，出名脂肪分佈平均，肉味濃郁。 可以係MENU睇到有一張牛匠岩手ビーフ認定書既證書。店內除左有唔同和牛拼盤，仲提供鍋物同其他主食，人氣之選一定係和牛三文治。店內係用明火燒肉爐，除左夠正宗，仲係視覺既享受。餐廳夠細心每兩個座位之間都會有獨立嘅抽氣，食完唔會成身油煙味。餐廳面積唔大，座位唔多，座位方面分為門口既高檯，同入面舒適既卡座，出面有屋酒屋感覺，入面傾計舒適。-🥩 Tasting Menu 💰888/位 (兩位起)餐廳呢排出咗一個新嘅tasting menu，可以一次過試晒佢哋嘅招牌菜式。-1️⃣ 和牛沙律 （👅: 8/10）前菜首先係一個沙律加上和牛，沙律食落夠新鮮爽脆，上面嘅胡麻醬足夠，特別在仲有加蝦米，食落非常香口，令到味道層次更加豐富。和牛未食之前已經聞到佢既
Wagyu Ya係一間主打岩手縣直送和牛既日式燒肉店，每月出產數量唔多，平時都係日本內銷多，所以好罕有，出名脂肪分佈平均，肉味濃郁。 可以係MENU睇到有一張牛匠岩手ビーフ認定書既證書。
店內除左有唔同和牛拼盤，仲提供鍋物同其他主食，人氣之選一定係和牛三文治。店內係用明火燒肉爐，除左夠正宗，仲係視覺既享受。餐廳夠細心每兩個座位之間都會有獨立嘅抽氣，食完唔會成身油煙味。
餐廳面積唔大，座位唔多，座位方面分為門口既高檯，同入面舒適既卡座，出面有屋酒屋感覺，入面傾計舒適。
-
🥩 Tasting Menu 💰888/位 (兩位起)
餐廳呢排出咗一個新嘅tasting menu，可以一次過試晒佢哋嘅招牌菜式。
-
1️⃣ 和牛沙律 （👅: 8/10）
和牛沙律
7 瀏覽
1 讚好
0 留言
和牛未食之前已經聞到佢既油脂味，有輕微炙燒過，分量唔少，大概有6-7塊，口感係軟腍，部份比較微韌，但食落去油香味非常重。連埋沙律可以中和返和牛嘅油膩，整體夠開胃。
-
2️⃣ 和牛紫蘇天婦羅 （👅: 8.5/10）
和牛紫蘇天婦羅
4 瀏覽
1 讚好
0 留言
天婦羅嘅外層炸次非常薄，所以食落去唔會覺得油膩，但會帶酥脆嘅口感，入口首先係紫蘇清香嘅味道，我本身對紫蘇葉唔係好有好感，但呢個味道突出得來我又可以接受，之後就會品嚐到和牛既味道，食落肉質鮮嫩，呢一舊肉味比較重，而且完全唔韌，而紫蘇葉同時可以中和和牛嘅油膩，口感有層次，配搭完美，六粒完全係唔夠喉。
-
3️⃣ 和牛鵝肝三文治 （👅: 8/10）
和牛鵝肝三文治
9 瀏覽
1 讚好
0 留言
多士炸到金黃色，咬落去好脆，口感偏硬少少，有少少牛油味，中間嘅係和牛炸成既吉列牛扒 ，大概燒到三成熟，厚度十足，咬落去算軟腍，只係中間有一個位比較韌少少，咬落去冇骨肉分離，而油份被燒到逼出來，鵝肝入口細膩，會喺口入邊融化，同和牛既油香相映成趣。呢個組合非常邪惡，因為係三文治所以冇咁油膩，喺味蕾嘅享受。
-
4️⃣ 話梅小蕃茄 （👅: 8/10）
話梅小蕃茄
10 瀏覽
1 讚好
0 留言
四粒小蕃茄浸滿咗話梅汁，食落去係酸酸甜甜，話梅嘅甜味甚至可以中和蕃茄嘅酸味，蕃茄本身都清甜唔太酸，咬落Juicy，所以甜味好突出，整體清新開胃。
-
5️⃣ 和牛拼盤（👅: 8/10）
呢個和牛拼盤入邊有日本熊本和王A5和牛既牛舌、牛肩胛、西冷、三角腩、薄燒，餐廳會提供三款烤肉醬汁，分別係wasabi漬、燒汁同岩鹽，店員建議先食牛舌，由油脂最少嘅開始食先。
和牛拼盤
4 瀏覽
1 讚好
0 留言
和牛拼盤
2 瀏覽
1 讚好
0 留言
牛舌係最少脂肪，夠厚身，所以要燒耐少少，咬落去係爽口彈牙，帶嚼勁，食落牛肉味香濃，有肉汁，夠香口。
牛肩胛咬落去軟嫩，口感細嫩，多汁，不過有筋，食落去肉味比較濃，但同時帶少少油脂。
咁多塊最鍾意西冷，輕輕每邊燒十秒就差唔多食得，有入口即溶既效果，肉質最軟嫩，帶彈性，食落多肉汁，肉味最濃郁，同時油脂感豐富，肉味同油脂平衡得最好，夠香口好食。
三角腩係牛前腳對上嘅腩位，份量稀小，入口都有即溶既感覺，咬落細膩，食落去油脂感爆發，比西冷更多油脂，反而牛味唔算太突出。
咁多款醬汁，我習慣食牛點岩鹽就夠，覺得係最夾，可以突顯牛肉嘅鮮味，wasabi漬好似日本人食開既漬物。
另外依度有獨立嘅抽氣，所以食完都唔去成身都係油煙味。
-
6️⃣和牛櫻花蝦舞茸釜飯 （👅: 7.5/10）
和牛櫻花蝦舞茸釜飯
5 瀏覽
1 讚好
0 留言
-
7️⃣ 麵豉湯（👅: 7.5/10）
麵豉湯
2 瀏覽
1 讚好
0 留言
-
6️⃣日本士多啤梨 + 牛奶布甸 （👅: 7.5/10）
日本士多啤梨
2 瀏覽
1 讚好
0 留言
牛奶布甸
1 瀏覽
1 讚好
0 留言
-
🌟整體呢度既牛肉質素唔錯，日本和牛食落有返鄉下既感覺，坐係吧枱加上明火爐係燒肉既精粹，環境唔錯岩同朋友一齊食飯傾計，店員會主動介紹，服務唔錯。鍾意食和牛既朋友可以一試。
-
👅味道: 8/10
🍴環境: 7.5/10
💰消費: $888pp (服務費: 10%)
張貼
