和屋

營業中

休息中

原來和屋跟前面無禮貌四眼雪糕佬無關係架喎，只不過係分租個舖位。望望餐牌，差不多全部都係外購外購同埋外購。吉蝦吉蠔吉豬吉帶子，我一心黎食鱆魚丸但都是外購。蟹子鱆魚丸，外皮算微脆內裡空盪盪，搵來搵去終於發現一粒仔鱆魚鬚，大量蟹子堆得滿滿算有誠意但略為喧賓奪主。我要食鱆魚啊，不是蟹子。熱辣辣甜甜滿口粉，沙律醬酸酸開胃，整體唔難食。松葉蟹膏手卷，飯粒比預期中處理得宜，濕度適中夠乾爽，輕調醋味夠溫柔不突出。蟹膏麵豉甘香濃稠黏滑送飯一流，還有脆脆咸香紫菜。海膽甜蝦手卷，甜蝦濕潤帶爽，甜味出眾搭著肥美海膽，沒一點腥味，只有鮮甜可口。