魂 (已搬遷) 新店位置

平日晚上8點都仲要排隊嘅魂，由於男朋友想食，所以照排。都有幾個人排緊隊。佢先比左個menu我哋睇下先，等左十分鐘到就有位喇。我揀左太極，姐係墨魚汁配豚骨湯。佢上面有個蟹膏都好香，幾好味，不過撈混左之後就食唔蟹味。個墨魚汁湯底都幾好食，唔算太濃，但係又有墨魚味。不過我覺得總係差緊啲嘢，又講唔出係咩。個叉燒同溏心蛋都好好食。青龍係男朋友叫嘅，一試，嘩！好好食！佢個湯係菠菜汁配豚骨湯，好清新，又有胡椒香，好好食，仲有一條蝦棒。個湯係好味到我忍唔住飲哂！真係好好食！大家記得去試下青龍。