水木日本料理 (已搬遷) 新店位置

今日又自己一個偷偷去左灣仔搵好野食。之前一直都已經好想試下呢間正宗既日本料理，因為屋企人去過都讚不絕口！其實下午要喺灣仔搵到一個地方係咁舒適同寧靜去享受午餐絕對唔係容易嘅事。雖然地方係有少少隱蔽因為佢唔係地舖...但都唔算好難搵。餐廳嘅裝修非常之簡潔，地方好乾淨，眼見亦都幾多日本人想去幫襯...心諗應該有品質保證。先睇睇個餐牌..雖然話下午都食百幾蚊好似有點兒奢侈，但係可以食到有水準正宗嘅日本料理，其實價錢絕對唔係貴。食物材料真係好新鮮，平時唔係好食刺身嘅我都忍唔住要試一試，絕對值得推介。