影片
更多
2007-06-08
中同聚會,地點選擇交通方便之旺角,最後係兆萬搵到呢間日本餐廳。檯椅以黑色為主,但每檯上面都有射燈/水晶燈,所以客人可以睇清楚食物造型,而且方便影食物照片=p 豆腐沙律:一件豆腐上有一粒車厘茄,加上似乎係芝麻汁,芝麻汁味道都唔太濃,清清淡淡一道前菜!豆腐唔算太滑,本以為係冷盤,但事實不但唔冷仲係微暖,同想像有點出入。xx田樂燒:等左好幾分鐘至上既小食,但上檯時造型有點倒胃,同以前見過田樂燒照片唔同,莫非時間關係??雖然外型唔吸引,但味道又幾好bor!麵豉醬帶甜味道好濃,配合淡味茄子同沙律菜,的確唔錯!只係茄子皮的確幾靱,幾經努力至可以分開幾份。海膽海鮮炒飯:碟大大份量細細,飯粒細細圓圓,炒得幾爽身及少油而且幾香,不過味道又普通少少;海鮮都見到有魷魚粒,但又唔見有其他;海膽有2小片,無試過!軟殼蟹卷:飯面加上蟹子作點綴,望落的確幾精緻。軟殼蟹炸得酥脆,配合薄薄壽司飯,少吃多滋味。彩虹卷:分開兩截上碟,相信以整條長形上菜,外觀會更好同貼切。三文魚質素唔錯,色澤鮮明無腥味,最驚喜係中間有香甜芒果在內,估唔到味道又幾配合,唔錯。日式炒雜菜:以炒椰菜為主,另加少量洋蔥及本菇,椰菜味道甜甜炒得幾香,
檯椅以黑色為主,但每檯上面都有射燈/水晶燈,所以客人可以睇清楚食物造型,而且方便影食物照片=p
豆腐沙律:一件豆腐上有一粒車厘茄,加上似乎係芝麻汁,芝麻汁味道都唔太濃,清清淡淡一道前菜!豆腐唔算太滑,本以為係冷盤,但事實不但唔冷仲係微暖,同想像有點出入。
xx田樂燒:等左好幾分鐘至上既小食,但上檯時造型有點倒胃,同以前見過田樂燒照片唔同,莫非時間關係??雖然外型唔吸引,但味道又幾好bor!麵豉醬帶甜味道好濃,配合淡味茄子同沙律菜,的確唔錯!只係茄子皮的確幾靱,幾經努力至可以分開幾份。
海膽海鮮炒飯:碟大大份量細細,飯粒細細圓圓,炒得幾爽身及少油而且幾香,不過味道又普通少少;海鮮都見到有魷魚粒,但又唔見有其他;海膽有2小片,無試過!
軟殼蟹卷:飯面加上蟹子作點綴,望落的確幾精緻。軟殼蟹炸得酥脆,配合薄薄壽司飯,少吃多滋味。
彩虹卷:分開兩截上碟,相信以整條長形上菜,外觀會更好同貼切。三文魚質素唔錯,色澤鮮明無腥味,最驚喜係中間有香甜芒果在內,估唔到味道又幾配合,唔錯。
日式炒雜菜:以炒椰菜為主,另加少量洋蔥及本菇,椰菜味道甜甜炒得幾香,不過仍未及台北所食高麗菜好味。
雜錦天婦羅:蝦肉爽甜新鮮,茄子切得好薄好靚,最好味係片蕃薯,好甜!!如果有齋蕃薯order更妙!配合蘿蔔茸食的確無咁膩。
串燒只試左一片冬菇,燒得頗乾,不過醬汁香香甜甜就幾好味!一試無妨。
總括黎講呢間概念館菜式以造型比較取勝,每款菜式都擺設得幾靚,但味道就未如外觀吸引,而且出菜時間較長,但又未至於慢工出細貨。
服務方面,在旺角區算中上,侍應們/廚師都好有禮貌,會推介客人食有八折菜式,添茶都相當頻密,服務都算ok。
張貼
