鮨釧 (已結業)

朋友一直都話好想食呢間omakase😍 一嚟係石門近佢屋企 二嚟餐廳環境都幾好 雖然唔係好大間 大概十個位 但師傅就可以更專注照顧每位客人😗 我哋叫咗晚市套餐 有好多海膽😘 呢度係其中嘅菜式紫海膽生拆松葉蟹腳紫海膽最近當造 比我哋平時常見啲馬糞海膽淺色 橙白色🤓 味道比馬糞海膽無咁強烈 清啲帶鮮味😋 見到一梳梳嘅海膽係海膽殼入面 好滿足💕 另外仲有拆松葉蟹腳 松葉蟹腳拆好晒肉 啖啖都好鮮甜🦀 櫻花木煙燻太刀配鹽水海膽打卡啱晒！ 一打開個蓋時 啲仙氣走晒出嚟😎 其實太刀魚另一個名白帶魚 魚肉煙燻味重 魚油都多 魚肉質感結實😛 太刀魚配咗鹽水海膽 因為鹽水海膽以海水保存 無添加 比較重海水味外 仲特別帶到海膽甜味😚梳子魚梳子魚口感特別 雖然經過火炙 魚肉仍然軟熟😘 另外師傅已經將壽司飯加咗醬油 飯粒軟硬適中海鮮湯湯底濃郁 比較杰身 鮮甜甜品當日嘅甜品係哈蜜瓜+胡麻紫薯卷+柚子厥餅 好豐富🤤 哈蜜瓜近排當造 上次食omakase 都有 哈蜜瓜清甜多汁 真係好好味🍈 胡麻紫薯卷 蛋卷鬆軟 唔會好甜😆 柚子厥餅比較少見 我鍾意佢清甜 作一個好結尾