喜多嬉牡蠣屋 (已搬遷) 新店位置

今日特登嚟食牡蠣放題，每人先上頭盤八寸喜多嬉九品，有日本直送象拔蚌刺身、喜多嬉牡蠣茶漬飯、二色燒活白鰻、天婦羅秋葵、手工月見燒鳥串、天婦羅紫蘇葉吞拿魚蓉、喜多嬉牡蠣刺身、時令沙律、日式漬物。頭盤已經咁高質，即刻試埋佢哋啲生蠔同燒蠔。生蠔配上土佐酢啫喱、辣蘿蔔蓉和蔥花，帶出蠔鮮味，加上質地軟滑。平時少食生蠔嘅我都食咗半打。串燒都好正，雞肉皮脆多汁，七里香，脆而不油。MVP居然係牡蠣茶漬飯、湯手廷烏冬同撈烏冬。烏冬又滑又彈牙，蠔湯極濃蠔味。湯烏冬仲多咗一份鰹魚味。午餐時段食一份都百幾蚊，宜家係任食。