Mo Mo Kushiage (已結業)

今日朋友帶我黎試下依間店舖裝修充滿日式感覺既餐廳。一坐低，店員告知生啤做緊買1送1優惠，咁抵當然要叫返杯啦。叫完啤酒，當然叫返幾款小食黎送酒。首先係日本赤崎真蠔，生蠔超級新鮮，好大隻而且肉厚。之後薯仔沙律看似普通，但混合左幾種材料，加埋好夾，好好味。鹽燒三文魚駮燒得甘香而且油脂豐富，送酒一流。食完小食，當然要叫返餐廳主打既串揚試下啦。我地叫左炸泡菜豚足& 炸鵪鶉蛋。最後叫左關東煮，可自選5款，我地揀左蒟蒻、日本蛋、牛肋肉 年糕福袋、男爵馬鈴薯。整體上幾入味，而且熱辣辣，亦都幾多選擇，令我諗起去日本一定會食。