楓．新日本料理 (已易手) 新餐廳

難得約到幾個舊同學過土瓜灣食飯，黎到依間隱世日本餐廳。估唔到係香港都搵得到咁新鮮概刺身食，叫左個刺身拼盤，有法國藍龍蝦刺身、劍魚背、油甘魚、鮮吞拿赤身、希靈魚籽、八爪魚、愛爾蘭三文魚。 個龍蝦真係好好味，重點推介。食完刺身，點左網燒日本芝麻雞翼，傳統玉子卷，再加埋鍋燒藍龍蝦野菜稻庭烏冬，又係有龍蝦做底，好鮮甜。最後緊係要食番個甜品LA, 老闆推介我地食燒日本芝土年糕。個皮又脆又香，加埋個溶概芝心真係一流。