影片
更多
2019-08-15
875 瀏覽
今日同老婆慶祝生日，當然係食乜由佢話事。所以就嚟咗佢話食過咁多間日本磯燒水產當中最好食嘅〈焱丸水產〉作為慶祝開飯之選。第一次嚟〈焱丸〉，店內嘅裝修同氣氛都好有日式居酒屋嘅風格。店內掛滿曬好有日本特色嘅染布做裝飾，每臺上面仲有一個小小嘅磯燒爐，未開始食都已經覺得風味感十足。🇯🇵先嚟一個海鮮沙律，上面鋪滿咗各式各類大大粒嘅魚生粒，絕對唔係其他鋪頭咁樣將啲切淨嘅魚生頭頭尾尾攞出嚟又當一個菜。是日新鮮推介有池魚，成條有頭有尾咁切出來都只係$188，仲可以兩食，真係好抵！！刺身大大片好厚肉，唔使點醬油都好鮮甜。廚師大哥仲將骨位邊買嗰啲肉都刮埋出來加上蔥粒和芝麻粒等等作調味後俾我哋包紫菜食埋佢，真係所有肉都俾晒我哋，好老實。平時食開壽司都係粉粉分明的，今次呢個〈焱丸號壽司〉真係令我大開眼界！！啲料多到滿瀉曬出嚟喇！！！有海膽，帶子沙律，吞拿魚蓉同蟹柳沙律四款口味。超欣賞佢嘅海膽，勁鮮甜甘美，一啲都唔腥，質地仲好creamy！！唔怪得老婆話佢次次嚟到都會食海膽。其實老婆點都話要嚟呢間食嘅原因，我相信絕大部分都係因為呢個〈蟹味噌甲羅燒〉！！因為佢之前次次同班姊妹嚟都起碼一定一人一隻。之前去放題店食過
第一次嚟〈焱丸〉，店內嘅裝修同氣氛都好有日式居酒屋嘅風格。
店內掛滿曬好有日本特色嘅染布做裝飾，每臺上面仲有一個小小嘅磯燒爐，未開始食都已經覺得風味感十足。🇯🇵
先嚟一個海鮮沙律，上面鋪滿咗各式各類大大粒嘅魚生粒，絕對唔係其他鋪頭咁樣將啲切淨嘅魚生頭頭尾尾攞出嚟又當一個菜。
是日新鮮推介有池魚，成條有頭有尾咁切出來都只係$188，仲可以兩食，真係好抵！！
刺身大大片好厚肉，唔使點醬油都好鮮甜。廚師大哥仲將骨位邊買嗰啲肉都刮埋出來加上蔥粒和芝麻粒等等作調味後俾我哋包紫菜食埋佢，真係所有肉都俾晒我哋，好老實。
平時食開壽司都係粉粉分明的，今次呢個〈焱丸號壽司〉真係令我大開眼界！！
啲料多到滿瀉曬出嚟喇！！！
有海膽，帶子沙律，吞拿魚蓉同蟹柳沙律四款口味。超欣賞佢嘅海膽，勁鮮甜甘美，一啲都唔腥，質地仲好creamy！！唔怪得老婆話佢次次嚟到都會食海膽。
其實老婆點都話要嚟呢間食嘅原因，我相信絕大部分都係因為呢個〈蟹味噌甲羅燒〉！！
因為佢之前次次同班姊妹嚟都起碼一定一人一隻。
之前去放題店食過磯燒。全部都要自己親力親為，正想我大顯身手之際，竟然原來係有店員幫手燒嘅？？！！
我哋邊食住其它食物邊傾偈之際，店員已經好專業地幫我哋燒到個甲羅燒香噴噴。
趁佢仲熱辣辣嘅時候即刻食，每一啖都有著蟹膏獨有嘅甘味香甜，祇有一個〈鮮〉字能應用。在此刻我就看見老婆唔係咁輕易流露出嘅〈好味道飄飄然樣〉🤣
身為食肉獸嘅我當然要叫返個牛肉鍋先安樂。
喺清甜既湯底襯托之下，更能突顯出牛肉本身自己嘅甘香濃牛味。塊牛肉本身滑得呢又不失咬口，再加埋新鮮嘅蔬菜一齊煮，連蔬菜都吸收埋牛嘅精華，享受~
不要忘記窩中Q彈嘅薯粉都吸滿食牛肉同蔬菜嘅精華，絕對不能錯過。
最後老婆仲貪口爽話要叫個牛油粟米😂
差啲唔記得，頭先仲叫咗杯巨峰提子乳酸，有著濃濃嘅巨峰提子酒香，頭先一邊食住牛肉鍋一路飲，真係好爽~~
連埋老婆杯嘢飲，埋單唔使$900，食到咁多咁高質素嘅水產海鮮，超值。
張貼
