Mel Pot (民泰街) (已結業)

見到鋪頭啱啱開張，就即刻衝左去試吓😋 好掛住日本啊🇯🇵不過應該有排都冇得去😭唯有喺呢度飲番杯招牌蕨餅茶止下癮先😋 呢間甜品店黎自大阪，製作甜品所用到嘅材料大部份都係由日本進口，店主仲係日本人！Mel Pot主打蕨餅茶🌟 蕨餅茶係以台式奶茶為靈感，用蕨餅取代珍珠，十分創新！除左蕨餅茶外，店內仲有供應各式各樣嘅甜品，例如不同口味嘅布甸、刨冰、同蕨餅等。美祿金星蕨餅茶（M$42, L$44)賣相好靚😍面層灑滿美祿粉，下面就係美祿牛奶，每飲一啖都充滿美祿香味😋 而呢杯飲品亦加入左雞蛋布甸同埋大量Oreo碎，令到口感更加豐富😋值得一讚嘅係布甸質感好綿滑，而且蛋味十分香濃，配埋杯內嘅朱古力醬同忌廉，好邪惡呀🤤抹茶鍾情蕨餅茶（M$42, L$44)野飲底部同面層都分別鋪滿綠茶味蕨餅，口感煙韌軟糯，抹茶帶點回甘，略嫌太多抹茶粉，有啲苦🙈 呢度嘅蕨餅真係好高質💯 除此之外，呢杯嘢飲包含好多抹茶嘅元素，有抹茶布甸、抹茶Kitkat朱古力同抹茶牛奶🍵可惜嘅係牛奶味道比較淡，綠茶粉掩蓋左鮮奶嘅味道，如果奶香味突出啲嘅話味道一定更上一層樓👍記得買完要盡快飲，如果唔係冰溶後溝左水嘅味道就會變到好淡🔔京都抹茶布甸