宏 (已結業)

朋友介紹話呢度啲抹茶蛋捲好出色，本來係行來諗住買外賣返屋企食，點知見到佢裏面其他啲甜品都好吸引，所以我哋就決定入咗去食。我哋叫咗個抹茶蛋捲，跟住仲叫咗個黑芝麻蛋捲，啲蛋捲果然好好味，啲蛋糕好鬆軟，裏面啲cream好creamy而且個蛋糕唔會太甜，果然好介紹。我本來專登嚟食個蛋捲，點知見到佢其他啲甜品真係好吸引，忍唔住叫咗個草莓班戟，都等咗成20分鐘，以為佢漏咗單，想催佢嘅時候點知就嚟喇，發現原來佢個草莓班戟係即叫即做嘅，個班戟熱辣辣 ，配埋個雲呢拿雪糕球簡直係絕配，啲士多啤梨話係日本直送嘅，好甜好香士多啤梨香味，個班戟好香裏面啲牛油香味好濃郁，配埋個雲呢拿雪糕簡直係一流，個雲呢拿雪糕唔會太甜而且雲呢拿味很好 濃郁。而且呢間餐廳都好體貼，仲配有兒童餐㖭！我朋友有個小朋友，果然唔少得要叫一份畀佢食啦！個飯仲係有車仔圖案，小朋友食得好開心。