村上居酒屋 (已結業)

又到最難捱嘅星期四啦，係呢個咁辛苦嘅日子，夜晚梗係要食餐好啦，今日我又食居酒屋啦！今次呢間居酒屋好容易搵，就係喺朗豪坊地面，一眼就望到嗰個日式嘅裝修！開頭仲以為呢啲淨係買裝修嘅餐廳應該會好伏，點知原來食落去，係一間好味嘅日本小店喎！成餐裏邊我最滿意嘅係一個鰻魚飯，鰻魚好肥美，又唔聲，配埋鰻魚汁啱啱好。唯獨係我覺得啲飯太多啦，如果少啲仲可以食到多啲野添！然後佢嘅刺身好新鮮，壽司都唔錯喎，不過如果俾我揀我會留肚食多啲刺身囉！仲有佢個豚肉鍋，真係好足料，鍋細細，但係比好多食材你，所以成個鍋好滿足、好飽！最後當然唔少得要講嘅就係佢嗰個甜品，就係今時今日好多妹妹特登要去嗰啲Cafe食嘅日式傳統甜品，水信玄餅！呢個水上圓餅細細個，但係就整得好別字，一邊有跡嘅櫻花，同埋玫瑰花！個人覺得玫瑰花清清地好味啲，如果你鍾意食梅味，就要揀櫻花啦！食完成個人滿足晒，平日又可以挑戰終極嘅星期五啦！