影片
更多
2020-11-21
852 瀏覽
之前老公買過呢間外賣返屋企食，真係唔錯，雖然賣到返嚟凍咗，叮熱返嚟食都一樣好好食。咁當然咩都係新鮮食係最好啦！所以趁今日早咗收工，趁未係晚飯黃金期就試吓堂食先！原來入面都幾多位，好多卡座，私隱度高仲要好衛生，幾好喎！我都知個個都想食牛多過豬，但嚟到Aburi 真係必須要試吓佢哋嘅豬肉，超級好食。加多少少仲可以食日本豬，今日就豪一豪食特上日本豚肉丼，好香呀～啲豬肉燒到有少少燶邊，脂香十足！日本嘅生薑豚肉汁帶少少甜味，豬肉片嘅厚薄都啱啱好，真係一試難忘嘅味道。果然堂食真係好食好多。白飯加汁啖啖都係豚肉味，好滿足！嚟到呢度唔試吓佢哋嘅豬肉實在係可惜呀～呵呵！老公就話點都要試吓呢度嘅牛，所以佢就試咗呢個火炙宮崎和牛拉麵。上菜個陣見到賣相睇落都好好味喎。飲啖湯先，好濃郁，仲好香牛味添，睇嚟呢度嘅牛都好好，以後嚟到呢度多個選擇喇！和牛片都幾滑，同豬一樣有火炙過，不過牛味我覺得就一般。可能因為個湯好濃郁，所以就比下去。但實際上佢都係水準以上。冇估到呢度都可以食到好食嘅拉面，係有驚喜嘅！另外加咗一客厚炸沖繩豆腐，好味，炸得夠乾身，表面夠晒脆卜卜，中間嘅豆腐就滑嘟嘟。整體嚟講Aburi算抵食，水準平均，
之前老公買過呢間外賣返屋企食，真係唔錯，雖然賣到返嚟凍咗，叮熱返嚟食都一樣好好食。咁當然咩都係新鮮食係最好啦！所以趁今日早咗收工，趁未係晚飯黃金期就試吓堂食先！原來入面都幾多位，好多卡座，私隱度高仲要好衛生，幾好喎！
我都知個個都想食牛多過豬，但嚟到Aburi 真係必須要試吓佢哋嘅豬肉，超級好食。加多少少仲可以食日本豬，今日就豪一豪食特上日本豚肉丼，好香呀～啲豬肉燒到有少少燶邊，脂香十足！
日本嘅生薑豚肉汁帶少少甜味，豬肉片嘅厚薄都啱啱好，真係一試難忘嘅味道。果然堂食真係好食好多。
白飯加汁啖啖都係豚肉味，好滿足！嚟到呢度唔試吓佢哋嘅豬肉實在係可惜呀～呵呵！
老公就話點都要試吓呢度嘅牛，所以佢就試咗呢個火炙宮崎和牛拉麵。上菜個陣見到賣相睇落都好好味喎。
飲啖湯先，好濃郁，仲好香牛味添，睇嚟呢度嘅牛都好好，以後嚟到呢度多個選擇喇！
和牛片都幾滑，同豬一樣有火炙過，不過牛味我覺得就一般。可能因為個湯好濃郁，所以就比下去。但實際上佢都係水準以上。冇估到呢度都可以食到好食嘅拉面，係有驚喜嘅！
另外加咗一客厚炸沖繩豆腐，好味，炸得夠乾身，表面夠晒脆卜卜，中間嘅豆腐就滑嘟嘟。整體嚟講Aburi算抵食，水準平均，價錢亦都合理，我會再嚟！
張貼
