京都勝牛x TOKYO DOLCI (已結業)

京都勝牛最近係荃灣開左新分店，今次終於去試下～最出名既係佢既黃金60秒炸法🤤肉可以做到三成熟，鎖住肉汁同時炸得金黃酥脆。最招牌既當然係佢地既吉列牛，但係佢地除左牛之外，仲有海鮮或者豬扒選擇，都好多人會揀。一set除左有主食之外，仲會有麥飯、椰菜沙律同埋麵豉湯任添👍  1️⃣京都勝牛雙味套餐（$198） 雙味可以一次過食到兩款唔同既牛既部位，包括有翼板牛同埋菲力牛。翼板牛食落有嚼勁啲，而菲力牛就食落軟淋啲，肉味更加重😋牛肉係三成熟既狀態呈上，炸得好脆～伴上唔同既醬汁，有牛排醬、鰹魚和風露、鹽、芥末、咖哩醬等等，伴上唔同既醬料可以食到唔同既滋味。而個人黎講最鍾意點岩鹽食，更加食到肉既原味😌另外如果怕食得太生既話都可以叫店員比個爐你加熱一下再食，但係個人覺得就咁食更加好食。  另外沙律、飯、湯可以任添，唔洗驚唔飽。椰菜沙律好爽脆好新鮮，檯面更加有胡麻醬同埋柚子醋可以加落沙律到食😆  2⃣️鮮嫩脆炸豬柳拌大海老套餐（$158） 除左牛之外，呢度其他炸物都好出色wor😯炸豬柳中間有少少粉紅色咁，配上自己鮮磨既白芝麻同埋豬排醬，鮮味更加提升～炸蝦好大隻，夾起有啲墜手添！中間好多肉好正🤤仲有他他醬可以點～