魚がし日本一 (AIRSIDE)

營業中

休息中

Airside開左一段時間都無時間黎，今次終於可以黎到打卡啦。行過一圈發現都有好多特色餐廳，經過見到呢間日式壽司刺身丼飯店，見到好吸引就去試下。原來係日本超有名嘅過江龍店！火炙壽司盛合帶子 l 深海池魚 l 左口魚邊 l 吞拿魚火炙壽司盛合好豐富，每件壽司嘅炙燒刺身都好厚身又肥美。壽司飯飽滿一粒粒又充滿嚼勁唔會煮得過軟爛。壽司醋飯用左赤醋去製作，搭配刺身後令鮮味更突出。帶子好厚身，味道好甘甜鮮味。深海池魚油脂契豐腴，魚肉結實彈牙。左口魚邊經炙燒後魚脂味超香又濃。吞拿魚同樣充滿魚油甘香，吞拿魚無筋香軟。食完壽司盛合後仲會送上一碗茶漬飯，清漬飯上加上鯛魚，入口好暖胃又惹味。最後甜品係開心果雪糕，開心果味好濃。