鬼金棒

營業中

休息中

鍾意食拉麵嘅人一定識呢間麻辣味噌拉麵，我都已經encore過好多次。朋友食辣之人，次次都要點鬼辣拉麵。我食唔到太辣，每次都點返小辣小麻。返嚟咁多次個質素都keep到，水準穩定。講返味道先，濃濃嘅味噌湯底加上少少麻辣，十分過癮。味玉係日本蛋，咬開蛋黃流心，配拉麵必配。麵質算係軟硬適中。叉燒選用五花腩，肥瘦一層層，肉質鬆軟，油脂燒過後更香更惹味。朋友食嘅鬼辣加麻，佢就話夠辣滿足到佢挑戰食辣嘅慾望。呢碗會配埋鬼辣糖，之後就可以解辣。份量嚟講就好足，中午嚟食男士都覺得好夠飽。