影片
營業時間
今日營業
11:00 - 23:30
星期一至日
11:00 - 23:30
以上資料只供參考, 請與餐廳確認詳情
食家推介
短短一個月內光顧了2次，相比其他醬油、白雞湯的拉麵，有時會更想念這種重口的拉麵。第一次選擇了小辣，沒有嚐到辣味，第二次中辣有一點點辣味，挺香的。他們家的叉燒比較特別，很厚一塊，有點甜味，類似上海紅燒肉？🤣但是味道没有红烧肉那么重口味，非常软烂，再配合上麻辣咸香的汤底，倒是正好。吃過的大部分拉麵豆芽都是生的，但他們家豆芽也是大火炒過的，軟軟的很有鍋氣，非常喜歡😘
繼續閱讀
其實本身我個人唔係好食得辣，一開始都擔心會太辣，入到去發現原來可以選擇任何辣度，當然仲有完全唔辣啦，我個人鍾意有少少麻，之後又有少少辣，對我嚟講味道啱啱好唔會過火。之前都聽過有啲人話啲叉燒好難食，我想講每間拉麵店做叉燒嘅方法都唔一樣，其實呢度啲叉燒唔難食，只可以講話同平時有啲人食開嘅唔同，所以叉燒呢方面我個人覺得OK嘅。同埋每次見到廚房喺度煮麵嘅時候，佢哋炒芽菜都好有鑊氣，火光紅紅我成日覺得好似表演咁樣。
繼續閱讀
🍜🥢🇯🇵再次為芫荽而來🔔qr code落單，免加一✅芫荽辣麻味噌拉麵 -$115麻味辣味都可以選擇，選左小辣中麻，味道啱啱好，有大量嘅芫荽，每一啖都有滿滿嘅芫荽味。粟米芯只有一條，不過燒過幾脆口，如果俾多兩條就會更好。另外仲有一舊叉燒，好厚半肥瘦。裏面仲有好多爽口芽菜。拉麵亦都好出色，份量足夠，係比較粗嘅拉麵，都彈牙。個湯底幾好味，味噌味唔算好濃，但係同芫荽同麻辣都好夾。門面同埋內部嘅裝修幾靚嘅有特色。
繼續閱讀
聽朋友講話呢間鬼金棒唔錯好食，我哋見8:00冇人排隊咁就入去試吓啦！啲種拉麵有口感唔錯，但通常呢種拉麵都係用來配沾麵食法，好少會用喺湯，但是都OK。主要係個叉燒真係好唔掂，又大嚿又厚啲肉又柴，日本叉燒正常一片片咁咪好囉！基本上佢就係成嚿豬腩肉擺落去，雖然呢種食法好特別，但係呢種做法基本上慳成本又慳功夫，五碗五嚿叉燒，有3個人冇食到，有2碗食剩大半碗麵，另外煎餃子好食。埋單$640. 完全不值。我情願食返傳統嘅叉燒拉麵仲實際。呢間真係請我食都唔會再去。
繼續閱讀
同朋友喺女人街行咗一個圈都唔知食乜，突然諗起呢間鬼金棒拉麵，於是就同朋友行咗入去，呢間拉麵舖幾好，因為冇落場時間，所以Non peak hour都食到同朋友嗌咗一人一個拉麵加餃子，不過太肚餓，所以已經食咗大部份餃子，拉麵價錢唔算貴，但係味道比較一般。之前喺尖沙咀已經幫襯過，但係記得味道一般般，今次再喺旺角店再試，感覺都係還好，應該唔會再返轉頭，亦都唔會推介俾朋友。如果同樣嘅價錢，會選擇試其他嘅拉麵，因為呢間性價比唔高。
繼續閱讀