丸目背脂煮干

營業中

休息中

經開旺角通菜街，見到有間過日本東京人氣過江龍丸目背脂煮干拉麵🍜，熱愛食拉麵嘅我一於入去幫襯下。 餐廳細細間，裝修都好和式，令人感覺舒服😌。 海老辛醬背脂煮干拉麵🍜：湯底呈橙紅色，用咗日本蝦頭🦐同埋海老辛醬熬製而成，湯底辛辣中帶鮮甜，表面有一層背脂油、洋葱粒、葱絲和木耳絲🧅。拉麵煙韌有嚼勁，掛湯力足夠。溏心蛋黃好靚，做得好流心😍，最欣賞火炙叉燒，大大塊又稔滑，肥瘦適中。 除咗拉麵之外，呢度仲有沾麵，呢款海老辛醬背脂煮干沾麵其實同個拉麵湯都差不多，不過就比拉麵再濃味多少少，同埋每條麵條沾滿晒湯汁，更加品嚐到湯頭嘅味道😋。 另外叫咗2款日本直送嘅飲品🍹，信州蘋果梳打同埋山梨，味道都唔錯，食完偏油少少嘅拉麵湯，飲啖可以解膩。