麵屋一燈 (已結業)

bookmark咗好耐既一燈，今日見好早出咗嚟尖沙咀食晚飯，睇一睇仲未開始排隊🤩就入咗去食。坐咗旁邊可以望住個海景食，心情好愉快🤪呢度沾面最出名所以我哋都叫咗沾面，一人一個特製濃厚魚介沾麵 ($168) 入面食材超級豐富，叉燒同雞肉各兩片，叉燒燒得香而且唔乾唔油，而雞肉就好嫩滑，食落好鮮☺️ 仲左最重點既溏心蛋，一切開就係橙色既蛋黃，煮到固體流心各一半，啱啱好👍🏻 另外想講呢個魚介湯底都好高質！濃而不咸，當湯飲都得，入面仲有2粒軟骨肉丸，有少少脆卜卜，口感好特別。點啲麵落去食，好掛汁，仲好煙韌，最鐘意呢個口感🥰因為叉燒同雞肉都太正，叫多咗個叉燒盛合 ($58) 每樣多2片☺️好滿足