金田家 (已結業)

日本過江龍拉麵店金田家進駐將軍澳中心後，一直都想搵機會品嚐。今日終於去咗食lunch，門口望落以為餐廳細細間，入到去先知原來咁多座位，咁闊落。囡囡自己揀咗豚骨mix拉麵，加糖心蛋同粟米。豚骨mix即係三分一雞湯同三分二豚骨湯。我就揀咗雞白湯豚骨拉麵，係三分一豚骨湯溝三份二雞湯。兩款我都有試，雞白湯湯底濃郁，有雞嘅香味同時飲到豚骨味，配上曲麵，湯底掛麵很好吃。囡囡嘅豚骨mix拉麵係幼麵，因為豚骨湯底比例高啲，所以豚骨味濃郁，而且飲到有少少蒜蓉嘅蒜香味。小食我哋揀咗男爵薯餅配日式蛋沙律，有一件紫薯餅，同一件牛肉薯餅，炸得香脆，熱辣辣上桌 ，沾上沙律醬，十分美味。