希鳥

營業中

休息中

生日月，緊係要食餐好嘅，所以揀咗比較特別嘅Omakase，食豪佢！唔係食壽司Omakase，而係食雞嘅Omakase。餐廳用嚟自日本鹿兒島嘅黑薩摩雞，係無激素嘅走地雞，聽職員講解，仲可以生食添😳！晚市分14、17道menu～我哋揀咗17道menu。季節の前菜盛有煙薰雞胸、雞肝多士、漬物茄子、明太子甜蝦；當中雞胸好有驚喜，非常嫩滑而湯品有自家製嘅雞肉團子配清湯，湯頭好清甜。之後就係燒物類：有雞肩肉、雞柳配三文魚子、雞腎；雞柳配上三文魚子，用手卷形式去品嘗，好有新鮮感！是日稀少部位係雞腎，真係燒得啱啱好，全完係爽脆。食咗咁多肉，係時候食吓蔬菜～箸休：用上日本蕃茄、蘆筍配埋味噌。食到中段，有蜜桃冰沙清清口腔 。之後嘅燒物仲有：雞胸肉、雞肉串、雞尾巴、燒雞翼等等。當中嘅雞肉串配上醬汁同蛋黃，好有壽喜燒feel！而特別部位-雞尾巴，用番頭先嘅醬汁去配襯，油脂感滿滿 。食事（主食）揀咗金，睇落4件好似好小，但食晒後，飽晒肚，好滿足！甜品方面，是日有海鹽雪糕配日本蜜瓜，咸咸甜甜，nice！總結，口感味道都好正，完全係對得住個價錢，可以值得有下次😋😋