日本橋海鮮丼 つじ半 TSUJIHAN

營業中

休息中

上次喺日本食過之後一直掛住，點知而家東涌東薈城都開咗分店啦！日本橋海鮮丼 つじ半 TSUJIHAN，主打一丼兩食嘅海鮮丼！😋特上海鮮丼入面有海膽、紅鱈蟹、鮭魚籽、赤蝦、鯡魚子、象拔蚌、螺肉、魷魚、金槍魚同金槍魚蓉🦪🦑🐟，料多到滿瀉，一碗就食到超滿足😋！食到大約剩1/3時，記得加鯛魚高湯🍲。先倒高湯落去，店員會再加三葉芹、名荷同日子柚子🌿🍋。鯛魚高湯香氣逼人，魚味濃到爆，加咗清新嘅日子柚子之後，丼飯即刻變身另一種風味✨。😋海膽帆立貝鮭魚籽丼海膽同帆立貝鮮甜得來不得了，配上鮭魚籽一齊食，再加蛋黃醬油，鮭魚籽爆脆、帆立貝爽甜、海膽濃滑，三樣嘢夾到天衣無縫🌟，食完真係令人回味無窮🤤。