Pancake House HoiHoi (荃新天地) (已結業)

來自日本名古屋的Pancake House Hoi Hoi 今期推出分店限定優惠 $298 二人前，包主食兩款、甜品兩份和飲品兩杯，絕對食到飽！🍔 爆芝牛肉漢堡包麵包皮烘到香脆，口感外脆鬆軟；最邪惡準備一碗芝士醬隨你喜歡淋上漢堡，多與少由自己決定！不過芝士味道不算濃烈，至於漢堡扒牛味一般，亦煎得比較乾。配菜薯條炸到超酥脆，調味剛好；微酸的沙律醋和沙律菜配合，清新解膩。🍝 鐵板名古屋茄汁海蝦意粉茄汁味的意粉調味不重，麵條醬汁不多，口感比較乾。大蝦一般，鐵板上亦有薄薄一層雞蛋，🍯 焦糖布丁梳乎厘班戟超多布丁醬，仲有燒焦過的焦糖，十分邪惡！Pancake 有點過熟，口感無梳乎厘的空氣感；蛋香搭夠，整體不會太濃太甜。🥞 提拉米蘇梳乎厘班戟微香提拉米蘇配搭順滑奶油，又一個邪惡之選。梳乎厘班戟都有點輕微動L，治癒感滿滿；奶油和班戟果腹感超強。🍓 草莓香蕉沙冰香蕉味比較重，甜度適中，味道不錯。🥜 芝麻花生沙冰兩者味道出奇地夾，濃郁芝麻香，但入口花生味會比較突出。分店優惠 $298 這個價格性價比可以，而且兩個人食絕對超飽肚。