影片
更多
2014-08-05
3913 瀏覽
由於中學同學生日，公主我就去openrice search 下。突然諗起沙田圖書館隔離既意大利餐廳，聽聞好食但好難book位，於是拿拿聲約人。但間嘢唔止難book個電話唔係唔通就無人聽，打咗百九幾萬次終於有人聽。但個姐姐話多過8人就要落訂，訂金亦因為鎖響夾萬無得退（咩理論？）而用餐時間亦只有1個半鐘。Ok，公主我明嘅，但我唔得閒過去，所以問定佢有無落場時間，費事朋友去到摸門釘。點知佢九唔搭八話：「你地嘅用餐時間係1個半鐘。」救命！我唯有改過句問，「你地係咪咩時候都有人收訂？」個姐姐：「如果門口無人我地入面都會有人出嚟收。」人都癲可唔可以俾番啲training啲staff呢？好喇，反正人數未實，我覆話遲啲先去落，佢話最少一星期前要覆實，真係⋯⋯到咗當日，人數竟然銳減到4人。公主我有事遲咗去，去到一睇，原來係當年中學畢業日本旅行嘅隊友。即時話當年，大家嘅性格同白癡低能嘢真係冇變，哈哈由於公主我遲到，隊友已經叫晒嘢食。我都叫埋杯「強迫性」熱蘋果茶，都幾好飲嘅～最先嚟到嘅係雜菌忌廉湯，好香菇味，忌廉令到個湯好滑，但又唔會稀lung lung，雜菌有咬口，感覺好濃郁。而且個湯好熱辣辣，公主我最鍾
人都癲可唔可以俾番啲training啲staff呢？
好喇，反正人數未實，我覆話遲啲先去落，佢話最少一星期前要覆實，真係⋯⋯
到咗當日，人數竟然銳減到4人。公主我有事遲咗去，去到一睇，原來係當年中學畢業日本旅行嘅隊友。即時話當年，大家嘅性格同白癡低能嘢真係冇變，哈哈由於公主我遲到，隊友已經叫晒嘢食。我都叫埋杯「強迫性」熱蘋果茶，都幾好飲嘅～
最先嚟到嘅係雜菌忌廉湯，好香菇味，忌廉令到個湯好滑，但又唔會稀lung lung，雜菌有咬口，感覺好濃郁。而且個湯好熱辣辣，公主我最鍾意
飲熱湯，超正！
隊友都話自己響屋企煮唔到咁嘅湯，真係好正！
個包係意大利式，唔係塗牛油，係配黑醋同橄欖油。可惜個包係凍配黑醋都冇用，而且個橄欖油都唔係靚嘢，完全冇香味。
呢個凱撒沙律話係二人份量，但我地四個人都夠食，每人分左三四次先食得晒。個沙律汁剛剛好，唔太多唔太少。而且有好多煙三文魚同蟹肉。再加埋Parmesan芝士，真係冇得彈。唯一美中不足嘅係，麵包太大粒，脆煙肉亦比較硬。
之後到煎蝦意大利飯，好搞笑地4人分3隻大蝦。好彩有人唔食大蝦先至夠分，但其實都仲有好多小蝦。個意大利飯煮得剛剛好，al dente，蝦汁亦好香濃。但係大蝦腌得唔夠入味，只係夠彈牙而冇乜蝦味。但係個飯真係煮得好好，值得推介！
最後到呢個脆豬手，個皮真係勁脆豬手亦非常好味，冇臭豬味，鹹鹹香香好正味道一流。但食食下都膩，好彩有個酸菜同芥辣，即刻開胃番晒。食到最尾，公主我都不顧儀態，要拎起舊骨咬埋啲肉嚟食。最正係，啲皮凍晒都重係脆！
其實間嘢嘅服務都唔差，除咗訂位時個姐姐無乜常識同禮貌，其實都唔錯㗎。佢係睇住我地食完一樣，先至再上另一樣，所以唔會搞到成枱嘢。而且整體嚟講啲嘢又真係相當好食，全部都好得，有機會可以encore！望到隔離檯既牛扒同羊架，真係好香㗎，下次一定要去試吓先！
p.s. 不過好搞笑，我哋食食下突然間聞到好大陣燶味，差啲以為火燭
張貼
