影片
更多
2011-04-22
80 瀏覽
唔知道有冇人發現, 自從日本地震過後, 就好似少咗好多人食日本嘢.我自己係唔係話好鍾意食日本嘢嘅人, 所以都"避都就避"但係琴日因為媽咪家姐想食日本嘢, 所以考慮食和民定千両好最後由家姐拍板去千両去到唔洗等位, 門口嘅侍應姐姐笑容好好, 問完我哋幾多位之後就帶我哋入去坐卡位我鍾意佢啲卡位都可以拎到迴轉嗰啲食物, 而且幾闊, 坐得好舒服千両亦係我唯一會係迴轉帶上拎食物嘅連鎖壽司店, 皆因佢哋用料新鮮, 唔會好似擺咗好耐, 魚生嘅顏色仲係鮮艷嘅唯一唔好拎嘅係豆腐, 因為佢啲芝麻醬係室溫熔化, 變到水汪汪我地去到已經一點有多, 店裡面都坐咗一半, 情况唔係我想像中咁差我多數見啲人叫午市定食, 但係我好唔鍾意飲miso soup,偏偏個個餐都有...所以我哋好隨意咁揀咗啲嘢, 其他就打算就咁係迴轉帶度拎.幫我哋落單嘅侍應哥哥就目無表情, 好似好累咁三文魚壽司: 屬於薄嘅三文魚, 係室溫嘅溫度, 唔會有雪住嘅感覺魚塊有淡淡嘅油脂, 我係唔用豉油食魚生嘅人都唔覺腥, 所以再encore咗一碟玉子燒: 係迴轉帶度拎嘅. 蛋外內都有少少油, 但係唔係過油個隻, 恰到好處最欣賞係中間夾住啲飯, 口感更加
唔知道有冇人發現, 自從日本地震過後, 就好似少咗好多人食日本嘢.我自己係唔係話好鍾意食日本嘢嘅人, 所以都"避都就避"
但係琴日因為媽咪家姐想食日本嘢, 所以考慮食和民定千両好
最後由家姐拍板去千両
去到唔洗等位, 門口嘅侍應姐姐笑容好好, 問完我哋幾多位之後就帶我哋入去坐卡位
我鍾意佢啲卡位都可以拎到迴轉嗰啲食物, 而且幾闊, 坐得好舒服
千両亦係我唯一會係迴轉帶上拎食物嘅連鎖壽司店,
皆因佢哋用料新鮮, 唔會好似擺咗好耐, 魚生嘅顏色仲係鮮艷嘅
唯一唔好拎嘅係豆腐, 因為佢啲芝麻醬係室溫熔化, 變到水汪汪
我地去到已經一點有多, 店裡面都坐咗一半, 情况唔係我想像中咁差
我多數見啲人叫午市定食, 但係我好唔鍾意飲miso soup,偏偏個個餐都有...
所以我哋好隨意咁揀咗啲嘢, 其他就打算就咁係迴轉帶度拎.
幫我哋落單嘅侍應哥哥就目無表情, 好似好累咁
三文魚壽司: 屬於薄嘅三文魚, 係室溫嘅溫度, 唔會有雪住嘅感覺魚塊有淡淡嘅油脂, 我係唔用豉油食魚生嘅人都唔覺腥, 所以再encore咗一碟
玉子燒: 係迴轉帶度拎嘅. 蛋外內都有少少油, 但係唔係過油個隻, 恰到好處最欣賞係中間夾住啲飯, 口感更加豐富
加州手卷: 牛油果孰度適中, 唔硬亦冇熟過頭變軟魚子嘅質感, 加上青瓜嘅清爽, 微甜嘅蟹肉,牛油果嘅厚重, 就有一種好滿足嘅味道
特選吞拿魚:媽咪嘅必叫款式. 魚外嘅一層淡淡嘅油脂, 同冇根一咬就斷嘅吞拿魚肉, 就成為咗呢個味道清淡嘅特選吞拿魚, 但我覺得$40一件係唔值的, 媽咪就覺得好值
日式蒸蛋: 唔易失手嘅穩陣之選. 有冬菇, 蟹肉....(唔記得)蛋係幾滑, 冇過多水嘅現象
千両壽司: $40一件. 之前都已經試過好多次, 又係媽咪嘅必叫之一壽司係吞拿魚絞碎咗咁係底, 加上海膽同魚子係面頭, 再放上撒上芝麻粒嘅洋蔥
我最欣賞店方聰明地係壽司上加上撒上芝麻粒嘅洋蔥, 中和咗壽司厚重嘅味道
令味雷有唔同嘅感覺, 芝麻粒好香脆
炙燒三文魚腩:係我哋亦係好多人必叫之一. 但我覺得今次失準了炙燒得唔夠, 並冇嗰種"火"味, 魚味亦欠奉
唔記得個名. 普普通通, 冇特別
厚燒甜蛋: 之前係圓方度見到師傅整同試過後, 就愛上咗千両嘅厚燒甜蛋可惜今次油分太多, 太過油膩, 亦食唔出蛋味
總括黎講都唔錯嘅, 講真, 我真係未食過難食嘅日本嘢
張貼
