博多拉麵別天神 (已結業)

係旺角搵到間裝修風味跟足傳統日本拉麵食店，全BAR台。炎炎夏日，餐廳冷氣好夠涼值得一讚。別天神拉麵套餐其實呢到所有湯底都係豬骨濃湯底，如果想濃味Ｄ有拉麵汁，辣芽菜等可以自行調味。都幾特別，岩晒我呢Ｄ重口味人士。湯底濃麵底份量都多。日式叉燒好淋，仲有粒溏心蛋。8/10除左拉麵之外，仲有蟹肉沙律，沙律好甜好清新，仲食到有幾舊蟹肉。9/10仲有一份餃子都幾好食，煎到皮脆肉嫩有肉汁。8/10蝦味增拉麵呢個麵係豬骨湯底上加上蝦籽調味，整體上其他差唔多，係多左一份鮮蝦味道。8/10