焼肉善充 (已結業)

日本同事請食飯，帶我黎到登龍街，一帶食店林立，E間燒肉店地方細細三,四十個位，有D逼夾，但係日本同事就話E種感覺就好似返到家鄕咁，同朋友食飯感覺就更加親近窩，同事點菜，我就盡情享用啦，大生啤碰杯先，先黎牛脷，加檸檬汁吃，軟滑！追加一碟！黑毛和牛橫膈，油花分佈平均！肉味濃！追加兩碟！牛胸腹板，鹽味醬油味各一碟，鹽味食到黑毛和牛既肉味同油香，醬油味就非常香口，包生菜同芝麻葉食，一流！腸仔就日本標準有肉粒既， 唔係廚師腸果隻肉漿野，個韓色煎餅，海鮮香蔥韭菜餡料，香口！非常好味！今餐吃到飽一飽，以為都係埋單時間啦，點知同事再叫個乜乜 ( l ❤️ずっぽし）咖喱飯，頭先一人都食咗一個白飯啊，邊處仲食得落呀？日本同事話E個咖喱飯一定要試吓，唔到你唔信完全清洗！總結今次戰果，order既份量雖然比較小，但係佢地用既黑毛和牛係高質貨，相對價錢就算合理，味道就喺日本食既無乜分別，回味無窮，環境氣氛都非常日本地道風味，E間小店一定會再次幫襯！