東京大眾酒場 (已結業)

同朋友喺奧海城睇完戲之後，麗都附近嘅大角咀搵食。行行吓見到一間裝修好有日本風情嘅餐廳，於是坐入去試一試。一入到去呢間餐廳，店員以日文親切咁樣同我地打招呼，而且不停播日文歌，個感覺好似去咗日本嘅居酒屋一樣。首先講一講佢嘅服務先，一入到餐廳店員同我地推介唔同食物，最後聽佢推介我哋叫咗關東煮同埋美人鍋。一上到枱佢哋亦都有送上兩碗熱湯，個魚湯十分驚喜，味道濃郁，而且飲得出冇乜味精，真係想問佢哋攞多碗。講一講個關東煮先，個湯底應該係昆布魚湯，味道清甜，啲食物索哂啲汁，好正，拍得上日本嘅質素。另外個美人鍋非常大份，起碼係三人份量，而且雞肉嫩滑，湯底仲要係奶白色，店員絕對冇介紹錯！我哋亦都叫咗唔同小食，想特別讚一讚嘅係燒雞泡魚干，唔係好多餐廳都有做呢個小食，但呢度嘅魚干好香口，配埋沙律醬一齊食送酒一流！另外佢啲串燒全部都做得好出色，特別係大怱雞肉串同埋燒雞皮，有日本嘅十成味道！我哋亦都叫咗個炸雞配啤酒，炸雞即叫即炸，香脆而且多汁！配埋個黑啤簡直係絕配！整體來講呢間餐廳誠意十足，無論係餐廳裝修、員工服務態度抑或係食物質素都好，都拍得上日本嘅水準，好適合三五知己嚟聚餐，又或者想自己一個食宵夜，呢度都係一