影片
更多
2024-10-21
0 瀏覽
喺太子，搵到一間相當有玩味嘅居酒屋 - “餓居”。呢度，四處都係打卡位。門口嘅紅色鳥居、許願板、櫻花樹、tatami等，都令人感覺身處日本般😌。不過，打卡嘅唔止環境，仲有嘢食，而且係有得食有得玩，價錢仲相當親民。DIY 雲朵夢王飯（自己動手自己玩） $38相當好玩，得意又平價嘅菜式。一隻夢王蛋、一碗飯、一個電動打蛋器，就可以DIY做到雲朵般嘅蛋白效果，再加埋蛋黃，打卡菜式，自己做都得。夢王三文魚子漬飯 $98同夢王飯相似，不過多咗三文魚子，其實就唔一定需要打蛋白，只要分開個蛋黃，倒落去就得。有咗三文魚子，味道層次豐富好多。厚燒玉子三重奏 $98同樣地係打卡味道十足，但呢個三重奏可以喺六種味當中揀三種。我哋今晚就揀咗大阪燒、海膽醬同蜜糖芥末。三隻味入面，海膽醬最特別，大阪燒就最豐富，其實三隻味都做得唔錯。壽喜燒牛肉鍋-小盛 $128相對上，壽喜燒就冇咁似打卡。不過就用料十足。就算只係小盛，都有5-6大塊牛肉。加上大量嘅豆腐菜菇洋蔥等等，作為壽喜燒，足夠食有餘。熱金桔檸檬水果茶／1000ml $58一個普通嘅熱飲點樣可以打卡？答案就係將熱飲裝喺個架度，再等食客可以自己斟嚟飲。我最欣賞除咗係
。
呢度，四處都係打卡位。門口嘅紅色鳥居、許願板、櫻花樹、tatami等，都令人感覺身處日本般😌。不過，打卡嘅唔止環境，仲有嘢食，而且係有得食有得玩，價錢仲相當親民。
DIY 雲朵夢王飯（自己動手自己玩） $38
相當好玩，得意又平價嘅菜式。一隻夢王蛋、一碗飯、一個電動打蛋器，就可以DIY做到雲朵般嘅蛋白效果，再加埋蛋黃，打卡菜式，自己做都得。
夢王三文魚子漬飯 $98
同夢王飯相似，不過多咗三文魚子，其實就唔一定需要打蛋白，只要分開個蛋黃，倒落去就得。有咗三文魚子，味道層次豐富好多。
厚燒玉子三重奏 $98
同樣地係打卡味道十足，但呢個三重奏可以喺六種味當中揀三種。我哋今晚就揀咗大阪燒、海膽醬同蜜糖芥末。三隻味入面，海膽醬最特別，大阪燒就最豐富，其實三隻味都做得唔錯。
壽喜燒牛肉鍋-小盛 $128
相對上，壽喜燒就冇咁似打卡。不過就用料十足。就算只係小盛，都有5-6大塊牛肉。加上大量嘅豆腐菜菇洋蔥等等，作為壽喜燒，足夠食有餘。
熱金桔檸檬水果茶／1000ml $58
一個普通嘅熱飲點樣可以打卡？
答案就係將熱飲裝喺個架度，再等食客可以自己斟嚟飲。
我最欣賞除咗係佢嘅金桔味，就係足足1000ml嘅容量，其實都夠兩個人飲了。
木村信洲白桃梳打汽水 $27
我哋另外叫多一個凍嘅梳打汽水，白桃香味十足，應甜則甜，夠晒迷人。
餓居好有趣，日式風十足，菜式創意十足，唔係一般居酒屋風格。今晚六點已經吸引到好多食客訂位而嚟，就知道佢吸引力了。
張貼
