Burgerman (埃華街) (已結業)

Burgerman 係大角咀區內一間比較出名既漢堡小店，店面面積比深水埗店大，一面有坐到大約六個人既吧檯，另一面就有兩張長檯，每張都坐到四至六人，所以同幾個朋友一齊黎食都唔會覺得太迫。漢堡既選擇都幾多，另外亦有啲小食、意粉選擇,加$20 就可以跟Combo, 有薯條/薯格/沙律同汽水另外原來仲有到會。和牛漢堡Waygu Burger ($78)加炒野菌絲Extra topping:Sauteed mushroom (+$8)漢堡包香軟鬆化，加上左黑白芝麻，特別香。和牛漢堡扒用左草飼120日既和牛，入口即溶！另外漢堡仲有加上炸洋蔥絲同埋Provolone Cheese, 勁香。醬汁方面，呢個包係用日式焙燒芝麻醬，我覺得幾特別，唔會太溜，而且有啲日式風味。