Keyaki

營業中

休息中

中環向蘭桂坊方向有條巷仔，入面有好多食店，其中一間我喜歡的就是呢間充滿日本風味的居酒屋🏮一入到店內就見到一個好長嘅吧枱，座位枱只有三張，仲要只限二人。不過嚟到呢度一定要坐吧枱，因為可以睇到師傅忙碌地上餐及燒烤。熱辣辣嘅燒烤串放在你面前流晒口水，送返杯燒酒，sake 或者啤酒真係爽。我好喜歡呢度嘅氣氛, 因為每個店員都好親切同你傾偈又飲酒，好似朋友一樣。 呢度嘅串燒選擇都幾多㗎，仲有今日之選，雞翼雞皮雞肝，免治棒棒，牛舌，鰻魚，飯團…每樣都好好食。好耐都冇去過日本，呢度真係給我喺日本居酒屋的感覺，相信你去一次就會喜愛這個地方。