大漁屋台 (已結業)

今日黎到牛頭角一間日本餐廳,叫大漁屋台。鋪面裝修好有心思,整到真係好似日本咁,座位都算闊落。北海道生蠔$68(買2送1)所以我地就叫左2隻,再叫左個極選十二點盛,什錦天婦羅手打烏冬。生蠔大大隻非常肥美新鮮,12件壽司亦都好靚,有吞拿魚腩,油甘魚,立魚,三文魚,加拿大海膽,三文魚籽,牡丹蚸,帶子,赤貝,深海池魚,左口魚,金目鯛。件件都好好味,我自己就最鐘意海膽同三文魚籽,天婦羅手打烏冬入面有蚸,冬姑,南瓜,番薯,我叫左冷烏冬配左冷麵汁非常好食烏冬好彈牙。