影片
更多
2018-04-23
106 瀏覽
工作奮鬥左成個星期，男朋友仔話帶我豪一次食間正野。一開始黎到荃灣街市留下仲以為佢欺騙我，點知入到個商場仔上到最高又發現望落好似唔差WOR，門口至店內都好有日本高級餐廳FEEL，搞到我忽然好興奮望落個餐牌由於種類太多唔知食咩好，所以我同男朋友仔決定一於試下是日廚師推介~ 整個晚餐令我地滿足到好似去左日本咁。廚師推介由一系列唔同菜式組成:前菜三點 - 海老秋葵、煮日本南瓜、伊達卷:呢個頭盤等左十多分鐘，但係等得值架，食賣裝飾加賣相非常吸引，食落口仲有驚喜。秋葵包住海老，食落口煥然一新;伊達卷不知是什麼，但食落口有淡香蛋味，不錯。煮日本南瓜個口感則好似一個南瓜餅，咬落去成口南瓜味又不會太「漏」，鐘意南瓜既朋友一定會十分鐘意。作為頭盤開胃三寶，認真不錯!刺身 - 赤貝、赤伊佐木、吞拿魚腩海膽卷: 因為我地不是特別喜歡食生蠔的關係，我地將個生蠔轉左做新鮮赤貝。職員有特別向我們介紹食既次序，赤伊佐木好新鮮，混合WASABI同豉油黎食，一個字「正」!赤貝入口非常「爽」，食得出好有鮮味，絕對唔會比原先的生蠔比下去!至於吞拿魚腩海膽卷個人感覺是三道刺身中最好食的一道，連我男朋友唔食海膽都成個食哂，吞拿魚
望落個餐牌由於種類太多唔知食咩好，所以我同男朋友仔決定一於試下是日廚師推介~ 整個晚餐令我地滿足到好似去左日本咁。廚師推介由一系列唔同菜式組成:
前菜三點 - 海老秋葵、煮日本南瓜、伊達卷:呢個頭盤等左十多分鐘，但係等得值架，食賣裝飾加賣相非常吸引，食落口仲有驚喜。秋葵包住海老，食落口煥然一新;伊達卷不知是什麼，但食落口有淡香蛋味，不錯。煮日本南瓜個口感則好似一個南瓜餅，咬落去成口南瓜味又不會太「漏」，鐘意南瓜既朋友一定會十分鐘意。作為頭盤開胃三寶，認真不錯!
刺身 - 赤貝、赤伊佐木、吞拿魚腩海膽卷: 因為我地不是特別喜歡食生蠔的關係，我地將個生蠔轉左做新鮮赤貝。職員有特別向我們介紹食既次序，赤伊佐木好新鮮，混合WASABI同豉油黎食，一個字「正」!赤貝入口非常「爽」，食得出好有鮮味，絕對唔會比原先的生蠔比下去!至於吞拿魚腩海膽卷個人感覺是三道刺身中最好食的一道，連我男朋友唔食海膽都成個食哂，吞拿魚腩海膽配搭很好，一啲腥味都冇!
壽司 - 熟螢光魷魚、生左口魚邊、深海池魚: 進食次序為生左口魚邊、深海池魚、熟螢光魷魚，生左口魚口感不錯但味道較淡，感覺是為其他兩款壽司作「頭盤」;深海池魚配合師傅加了的醬油，十分美味!;熟螢光魷魚味道一般，可能我們本身不是特別偏好螢光魷魚。我地建議可以轉一轉個次序黎食，左口魚 - 熟螢光魷魚 - 深海池魚，由淡到濃，味道更有層次感!
燒物 - 燒山女魚: 賣相嚇我們一跳，師傅解說話用鹽來燒，可惜我們冇連皮食，肉感不是太吸收到鹽味，但還是非常香口，為首個熱食打響頭炮
鐵板燒 - A4鹿兒島和牛薄燒: 薄燒A4鹿兒島和牛，和牛內包住大量蔥同蒜片，男朋友話食落口好有神戶食牛既感覺。我就覺得啲牛係好食，但係我本身不太喜歡食蔥同蒜片，所以這個我交哂比男朋友食，佢食得非常滋味
煮物 - 磯煮鮑魚: 同男朋友一食落口就不約而同好有「家的感覺」，口感同媽媽煮的味道很似，簡單的一道菜但還是很滿足
天婦羅 - 目光魚天婦羅: 目光魚做成天婦羅十分好食，配合調味醬汁令口感更豐富!伴碟的蟹仔更有意外驚喜，蟹仔內夾蟹膏，一啖食落口真係好JUICY好美味!
浜燒 - 黃金蟹膏甲羅燒: 食左咁耐鐘意可以開個爐燒下，蟹蓋內有蟹籽蟹膏蛋黃等材料混合而成，在爐燒五分鐘後就可以塗上烘脆了的麵包上食，食落口好重蟹味，正!
食事 - 鯛魚湯烏冬: 個魚湯好濃好正，伴碟仲有幾條偏苦的菜襯托下味道，作為最後一道主菜岩岩好，食烏冬之餘會不自覺地飲埋湯，好似代替左日本傳統既麵豉湯咁呀!
甜品 - 日本蜜柑: 男朋友好鐘意，原因竟然係個蜜柑切好擺好哂咁上碟，唔洗自己落手落腳去整
飲品 - 白桃梳打、梅干HIGHBALL: 白桃梳打一般，梅干HIGHBALL如果可以再濃味啲會更加正~ 餐牌內仲有其他好吸引既酒精飲品，可惜我地少飲酒，所有留待大家試下喇~
埋單雖然2千多元，但我覺得一分錢一分貨，呢餐大餐真係又驚喜又滿足，大家有機會一定要去試下啊~ 哈哈!
張貼
