牛涮鍋 (已搬遷) 新店位置

要去荃灣睇醫生, 睇完醫生後就去左荃灣廣場既牛涮鍋度開餐，見餐牌既黑毛和牛既相好靚，塊塊牛肉既雪花蚊好似雲石咁靚而且價錢都可以，咁就選擇左依個放題。叫左個壽喜燒湯底之後，馬上order牛肉，牛肉未嚟之前侍應生己經放低一碟豬肉併雞肉同埋海鮮併盤，豬肉都幾好食，而海鮮併盤內既蠔同蝦尚算新鮮，蠔肉都叫肥美。終於等到黑毛和牛上枱，賣相同menu一樣雪花都係好靚，牛肉入口軟滑，牛味突出，沒有好肥的感覺，感覺值回票價。其餘D丸類都唔錯，食飽後加多杯乳酪做甜品結尾，真係滿足。