牛大人台灣火鍋吃到飽 (大鴻輝(荃灣)中心)

營業中

休息中

今晚去牛大人食咗日本黑毛和牛A4+吃到飽套餐，湯底揀咗新嘅魚白湯三文魚豆腐鍋，有別於平時嘅湯底，依款係有一碟配料另上自己落～日本黑毛和牛當然係今餐嘅重點，成盤鋪得靚靚嘅和牛未食就已經流曬口水，一片和牛切得好大塊，油花固然又多又平均，可以揀一份或者半份，如果兩個人食嘅話可以叫住半份先，唔夠再加🥢另一款依個set先至有嘅肉就係伊比利亞黑毛豬梅片，估唔到係咁有肉味，完勝其他豬肉片👍依個set仲會包一份海鮮拼盤，有扇貝、蟶子、鮑魚、生蠔，鮑魚不論生熟都有得任食，小食嘅醉鮑魚浸得入味，而且鮑魚彈牙得嚟又容易咬開👌甜品方面最吸引嘅就係任食haagen dazs雪糕，有雪糕杯有雪條，而且都係啲吸引嘅口味，例如朱古力同埋馬卡龍系列，感覺值回票價！