Pancake 專門紗織 (已結業)

屋企附近所有嘅餐廳都已經食過晒，都唔知有咩好食，唯有上網睇吓有乜嘢餐廳推介，俾我發現到銅鑼灣有間新開既日本cafe，最近非常熱門，決定放假去試一試。Pancake專門成個環境同裝修好有日本味道，擺設品都非常可愛。餐廳除左主打既甜品，都有唔少主菜選擇。今日仲未食午飯，所以就冇點甜品，反而點左濃蕃茄牛肋條烏冬餐，包括餐湯，沙律，主菜，餐飲，非常豐富。套餐一上烏冬面既賣相已經好靚，用既碟都好有設計感。牛肋條豐腴肉嫩，湯底滿滿既蕃茄味，加上好彈牙既日本烏冬面，非常好食。