影片
更多
2021-09-24
153 瀏覽
呢間嘢開咗係淘大咁耐都未食過，見今日興致勃勃就一於去試試😋 大概6點半左右去到間餐廳，但出面早已排緊隊買票入座，大概都等咗6-7張枱嘅人先入到大概都要20-30分鐘。中途啲員工仲要處理外賣單啊等等，所以令成個輪候時間較長。排到我地要係門口揀好買啲咩嘢食，然後比埋錢，職員就會幫你安排入座。入到去張枱大概係咁樣，有紙巾、調味料，而等食物嘅機就要放上去個位到，方便職員送餐😋係等待食物嘅時間入面，我就出去自助bar到拎飯、沙律、湯、餐具等😝 沙律就有薯仔沙律同普通沙律，值得一提，薯仔沙律幾好味，有驚喜。咁就冇咩特別，同埋有啲鹹。叫咗個二人餐有日本A5佐賀牛個個餐$525個餐有牛脷、佐賀A5和牛、豬扒、牛膈肌同炸蕃薯條開始個熱板都唔熱，放落去好似慢煮緊啲肉.. 燒到2046🤣，所以後尾叫咗個職員幫我地換咗塊板，好好多🤪 起碼放落去係‘炸炸’聲。日本A5佐賀和牛-食落好多油脂，好淋，食2-3舊ok嘅，但食多幾舊就好油膩🤣厚切牛脷-味道都唔錯，普普通通，無太大特別美國極黑豚肉-一開始比我地都比較生，然後自己落板整返熟，去到自己鍾意嘅程度。-出奇地，呢個豚肉又幾好味，唔‘鞋’之餘又唔會太淋，口感剛剛好
大概6點半左右去到間餐廳，但出面早已排緊隊買票入座，大概都等咗6-7張枱嘅人先入到大概都要20-30分鐘。中途啲員工仲要處理外賣單啊等等，所以令成個輪候時間較長。
排到我地要係門口揀好買啲咩嘢食，然後比埋錢，職員就會幫你安排入座。
入到去張枱大概係咁樣，有紙巾、調味料，而等食物嘅機就要放上去個位到，方便職員送餐😋
係等待食物嘅時間入面，我就出去自助bar到拎飯、沙律、湯、餐具等😝
沙律就有薯仔沙律同普通沙律，值得一提，薯仔沙律幾好味，有驚喜。
咁就冇咩特別，同埋有啲鹹。
叫咗個二人餐有日本A5佐賀牛個個餐$525
個餐有牛脷、佐賀A5和牛、豬扒、牛膈肌同炸蕃薯條
開始個熱板都唔熱，放落去好似慢煮緊啲肉.. 燒到2046🤣，所以後尾叫咗個職員幫我地換咗塊板，好好多🤪 起碼放落去係‘炸炸’聲。
日本A5佐賀和牛
-食落好多油脂，好淋，食2-3舊ok嘅，但食多幾舊就好油膩🤣
厚切牛脷
-味道都唔錯，普普通通，無太大特別
美國極黑豚肉
-一開始比我地都比較生，然後自己落板整返熟，去到自己鍾意嘅程度。
-出奇地，呢個豚肉又幾好味，唔‘鞋’之餘又唔會太淋，口感剛剛好！
牛膈肌
-牛膈肌食落比起平時啲牛’煙銀‘少少，但牛味都重，無咩太大特別🤪
炸蕃薯條
-而炸蕃薯條係岩岩炸起，所以食落熱辣辣，好好味，放凍咗食就無咁好味（無咁甜同無咩味了）。
總括而言，呢間呢個價都ok嘅，平時想食鐵板燒牛嘅都可以過嚟食，畢竟沙律，飯，湯任食，但呢個餐試完一次就滿足了
張貼
