影片
更多
2022-12-20
35 瀏覽
迎來婚後一個月，老公為左追求儀式感嘅我，特意book左呢間餐廳享受一下。👍🏻先付湯底用上牛湯mix魚湯，加上攪拌過後的蓮藕粒 ，入口帶有顆粒感，襯上和牛配以帆立貝，味道相當諧和。和牛嘅軟淋程度真係驚為天人，必須一試！👍🏻座付湯品極具層次感，面頭灑有菊花片，見其精緻，底部先有炸過嘅芋頭，配上北海道雪蟹肉，肉質飽滿鹹鮮，加上兩片牛舌，微爽牛味濃，先嚐配料再喝湯品！👍🏻向付餐牌嚟唯一一個生牛肉料理，底部有自家製海膽醬汁配上煙燻豉油，生牛肉連同洋蔥、酸瓜，入口軟柔帶點爽口，加上甘飴分的海膽，鮮極至極，旁邊附上的紫菜天婦羅，香脆得來並無多餘嘅油分，兩者一同放入口實是絕配。👍🏻溫物呢份和牛壽喜煮，湯頭由開業煮到今日已四個月，每天都會重新加入新鮮嘅食材繼續熬，牛肉入口同樣軟嫩，上枱過後，會即刨黑松露片，散發陣陣幽香，店員極度建議把牛肉卷埋洋蔥一同進食，而碗內亦加左皇帝菜汁，黑松露汁。最後把剩餘嘅醬汁倒住米飯之上，享受一番。師傅每一個步驟都係顧客面前呈現出嚟，亦會細心詢問牛肉嘅生熟程度，服務至上。👍🏻箸休作為一個間場，端上兩個小可愛，裡面放有鮮紫薯混有柚子嘅沙冰，清一清帶有油膩感嘅口腔，再配上一片清脆
👍🏻先付
湯底用上牛湯mix魚湯，加上攪拌過後的蓮藕粒 ，入口帶有顆粒感，襯上和牛配以帆立貝，味道相當諧和。和牛嘅軟淋程度真係驚為天人，必須一試！
👍🏻座付
湯品極具層次感，面頭灑有菊花片，見其精緻，底部先有炸過嘅芋頭，配上北海道雪蟹肉，肉質飽滿鹹鮮，加上兩片牛舌，微爽牛味濃，先嚐配料再喝湯品！
👍🏻向付
餐牌嚟唯一一個生牛肉料理，底部有自家製海膽醬汁配上煙燻豉油，生牛肉連同洋蔥、酸瓜，入口軟柔帶點爽口，加上甘飴分的海膽，鮮極至極，旁邊附上的紫菜天婦羅，香脆得來並無多餘嘅油分，兩者一同放入口實是絕配。
👍🏻溫物
呢份和牛壽喜煮，湯頭由開業煮到今日已四個月，每天都會重新加入新鮮嘅食材繼續熬，牛肉入口同樣軟嫩，上枱過後，會即刨黑松露片，散發陣陣幽香，店員極度建議把牛肉卷埋洋蔥一同進食，而碗內亦加左皇帝菜汁，黑松露汁。最後把剩餘嘅醬汁倒住米飯之上，享受一番。師傅每一個步驟都係顧客面前呈現出嚟，亦會細心詢問牛肉嘅生熟程度，服務至上。
👍🏻箸休
作為一個間場，端上兩個小可愛，裡面放有鮮紫薯混有柚子嘅沙冰，清一清帶有油膩感嘅口腔，再配上一片清脆的慈菇片。
👍🏻握
備長炭炭燒西冷壽司可謂特別之作，淋上紅酒蘋果蓉醬汁，食落酸口。
👍🏻強肴
吉列西冷三文治🥪一物兩味，其中一份以
海膽點綴，另一份以黑魚子為主，底部嘅麵包極為鬆脆，旁邊的甘露子帶微辛，係味道上帶來一個強烈嘅對比。
👍🏻煮物
京都水菜為底，襯上肉眼片，滿腔均是甜。底部有入口即溶的白子，再用高湯浸一浸的海膽，一層疊一層，別具設計的心思。
👍🏻燒物
一盒燒物內滿藏驚喜，除咗有炭燒西冷之外，肉質粉嫩有肉汁，可以點上柚子醋，胡椒更提肉香，拌碟的樣樣新奇，鬼燈下藏有粟子、吉列鵝肝豐油腴潤、蕎麥麵用上酥炸方式配以爆米花束，添了一份可口。
👍🏻食事
以一個稻庭烏冬暖胃確係最好不過，牛湯加上魚湯的湯頭，依舊鮮甜美味，和牛片放喺熱湯之上供顧客自己調節生熟度，肉質放越耐，湯品越濃郁，稻庭烏冬煙韌有口感，再加上一小件牛肉壽司同即包卷物，幸福飽肚感爆棚。
👍🏻水菓子
甜品二款而上，脆皮夾有黑糖蓉及雲呢拿雪糕，入口綿密香甜，旁邊有自家製抹茶布甸，厚滑得來茶味清醇，配以一杯熱茶作結實屬完美。
👍🏻👍🏻用餐感覺舒適，且每個餐點都有詳細嘅介紹，師傅更加會起晚餐結束之後同顧客做一個閑聊互動，親切無比。
張貼
