茶寮 京都仁王門

營業中

休息中

經過上水中心搵餐廳醫肚，正值下午茶時段見到呢間日系Cafe都有唔少人食，於是就試吓啦。餐廳門面光猛，乾淨企理估唔到餐牌都有好多選擇，因為我哋都好肚餓，一人叫咗一份定食先，又好想食甜品，咁啱撞正下午茶時段可以揀份量較輕盈嘅迷你疏乎厘，滿足到我哋想食甜品嘅心上菜速度都好快，首先就嚟咗個鰻魚定食，套餐包咗湯日本茶同埋泡芙。鰻魚蓋飯原條上，大大啖食好滿足，食落唔算好多骨，鰻魚汁撈飯一流。我本身好鍾意飲麵豉湯，而佢係超足料落咗好多紫菜，正！芝士吉列豬扒蛋包飯可以揀配白汁或者咖喱，我哋今次試咖喱，甜甜地唔算太辣，啱我口味吉列豬扒入邊有芝士拉絲，好邪惡出邊天氣落大雨，陰陰凍凍咁，好適合飲返壺水果茶，加配價$40份量都好多最後上埋甜品，芝士奶蓋疏乎厘，非常有創意嘅料理，冇幻想過會配芝士粒同埋鹹脆片，疏乎厘好香蛋味，有一球雲呢拿雪糕。