影片
更多
2020-09-15
4337 瀏覽
▲Nomad.iza係深水埗熱門新Cafe，平時來都相當多人呢！深水埗好多特色Cafe，隨便逛逛，總有一間喺左緊。位於白楊街嘅Nomad.iza，由雙層舊樓改建，行型格嘅日系及工業風路線，加上一系列精緻嘅食品，好坐又好食，算係我其中一個、幾鍾意嘅打躉蒲點。▲店內嘅樓梯位係打卡熱點！▲由二層往下望。Cafe樓底相當高呢！▲Cafe主打工業風及日式設計，成件事感覺精緻。▲店內一側，同同區比較，呢間Cafe都算幾大。▲連吊燈都好型，濃濃工業風！Nomad.iza嘅日系及工業風裝修真係好燒到我，日式布簾、黑色金屬支架、水泥牆、黑木櫃， 驟眼望真係好有東京青山、表參道啲Cafe嘅味道。另外，Cafe近門口有條樓梯專for客人席地而坐，好多人會喺呢個位影相打卡！😍▲Nomad.iza主打和洋食物，既西式又唔失和食嘅精髓。日系和洋食店食品方面，Nomad.iza感覺都同佢嘅裝潢一致，主打和洋日合一嘅菜式，好似蒲燒鰻魚漢堡、海膽蟹肉Risotto、吉列豬扒三文治等等，睇見Menu都令人流口水！🤤飲品方面，結合咗咖啡店及居酒屋嘅概念，除咗意式咖啡，仲有一系列本地品牌手工啤酒。其中，我勁鍾意佢哋
▲Nomad.iza係深水埗熱門新Cafe，平時來都相當多人呢！深水埗好多特色Cafe，隨便逛逛，總有一間喺左緊。
位於白楊街嘅Nomad.iza，由雙層舊樓改建，行型格嘅日系及工業風路線，加上一系列精緻嘅食品，好坐又好食，算係我其中一個、幾鍾意嘅打躉蒲點。
▲店內嘅樓梯位係打卡熱點！
▲由二層往下望。Cafe樓底相當高呢！
▲Cafe主打工業風及日式設計，成件事感覺精緻。
▲店內一側，同同區比較，呢間Cafe都算幾大。
▲連吊燈都好型，濃濃工業風！Nomad.iza嘅日系及工業風裝修真係好燒到我，日式布簾、黑色金屬支架、水泥牆、黑木櫃， 驟眼望真係好有東京青山、表參道啲Cafe嘅味道。
另外，Cafe近門口有條樓梯專for客人席地而坐，好多人會喺呢個位影相打卡！😍
▲Nomad.iza主打和洋食物，既西式又唔失和食嘅精髓。日系和洋食店
食品方面，Nomad.iza感覺都同佢嘅裝潢一致，主打和洋日合一嘅菜式，好似蒲燒鰻魚漢堡、海膽蟹肉Risotto、吉列豬扒三文治等等，睇見Menu都令人流口水！🤤
飲品方面，結合咗咖啡店及居酒屋嘅概念，除咗意式咖啡，仲有一系列本地品牌手工啤酒。其中，我勁鍾意佢哋嘅陶瓷咖啡杯，握手嘅手感好正，勁Igable！
蒲燒鰻魚漢堡配青檸薯條
$138
197 瀏覽
0 讚好
0 留言
▲切開一半，原來鰻魚延伸至包面另一端，相當足料呢！✦蒲燒鰻魚漢堡配青檸薯條
呢個漢堡包夾咗原條蒲燒鰻魚！勁有誠意！入面仲有味噌蘑菇，食上口鹹鹹甜甜，幾得意。 不過， 略嫌漢堡包皮有啲流，冇焗過冇烤過，同自己去街市買漢堡包皮夾包，質素差唔多。至於青檸薯條就幾抵讚， 加咗青檸汁，可以去咗薯條啲肥膩感，食完都唔會覺得好Heavy。
咖啡拉花及杯子都勁靚！
$20
87 瀏覽
0 讚好
0 留言
✦Latte （跟餐加20蚊）
呢度嘅Latte偏Nutty啲，屬中烘焙，味道幾大眾化，易入口。我幾鍾意佢有種栗子＋果仁香，奶泡比例較少，咖啡香更突出呢！
★－:+:－:+:－:+:－:+:－★
◌ Nomad
◌ 深水埗白楊街32號地舖
★－:+:－:+:－:+:－:+:－★
🎀 記得like埋我，每日放送打卡好去處！📸
張貼
