影片
更多
2020-01-12
884 瀏覽
第一次黎呢間Coffee shop，雖然今日星期日tea time，都唔係等左好耐位就坐低左。整體環境都好舒適，十分干淨，仲播住啲日文歌，超有去左日本既感覺！呢度係先比錢，再由員工送餐過黎。收銀哥哥超nice同有禮貌，仲推介咗佢地既人氣pancake，終是我就決定試一試！叫左個Roasted beef sandwich ($78) 同埋Caramel Banana Pancake ($75) 加一杯Mocha($45)。等左都唔算好耐，大概15分鐘就送到！Mocha 4.5/5口感好滑，個朱古力味道都好特別，唔係沖劑個啲朱古力味，唔會好甜，值得一試！拉花圖案都好特別，唔係普通個啲心形拉花，睇得出有花心思去拉！Roasted beef sandwich 4/5兩份三文治加有沙律伴碟，睇落好似好細份，但食哂都幾飽下！牛肉三文治咬落有層次，醬汁都好特別，包底係用丹麥toast，有烘過，但可能放左一陣，唔係脆卜卜個啲，包既口感係比較軟熟，我幾中意！同埋我最中意係沙律個醬，有啲甜甜的味道，似係用咗蜜糖芥末醬，幾特別！Caramel Banana Pancake 4.5/5Pancake十分精緻，
Mocha 4.5/5
口感好滑，個朱古力味道都好特別，唔係沖劑個啲朱古力味，唔會好甜，值得一試！拉花圖案都好特別，唔係普通個啲心形拉花，睇得出有花心思去拉！
Roasted beef sandwich 4/5
兩份三文治加有沙律伴碟，睇落好似好細份，但食哂都幾飽下！牛肉三文治咬落有層次，醬汁都好特別，包底係用丹麥toast，有烘過，但可能放左一陣，唔係脆卜卜個啲，包既口感係比較軟熟，我幾中意！同埋我最中意係沙律個醬，有啲甜甜的味道，似係用咗蜜糖芥末醬，幾特別！
Caramel Banana Pancake 4.5/5
Pancake十分精緻，有糖霜粉同焦糖醬裝飾，好睇得黎又幾好食！pancake做到外脆內軟既感覺，加埋個Cream超好食！佢唔係出面個啲梳呼里pancake咁空氣感，幾有咬口，同埋比較足料，食左一塊已經好有飽肚感。一個Tea黎講叫一份加一杯野飲，絕對係已經好full！
最後呢度係有自助回收位，食完之後係要自己放返落去果度，所以係唔需要加一咖😆😆真係好抵食！估唔到呢間Coffee shop咁有驚喜！
張貼